ನಿಮ್ಮ ಸುತ್ತ ಯಾವ ಯಾವ ರೀತಿಯ ಕಂಪ್ಯೂಟರ್ ಇದೆ? ನಿಮಗೆ ಗೊತ್ತಾ?

ನಿಮ್ಮ ಸುತ್ತಮುತ್ತ ಇರುವ ಕಂಪ್ಯೂಟರ್ ಅನ್ನು ಹಲವು ರೀತಿಯಲ್ಲಿ ವಿಂಗಡಿಸ ಬಹುದು.

೧. ಕಂಪ್ಯೂಟರ್ ಪ್ರಾಸೆಸ್ (ಸಂಸ್ಕರಣೆ) ಮಾಡುವ ಮಾಹಿತಿಯ ಆಧಾರದ ಮೇಲೆ

೨. ಕಂಪ್ಯೂಟರ್ ನ ಗಾತ್ರ ಹಾಗೂ ಶಕ್ತಿಯ ಆಧಾರದ ಮೇಲೆ

ಬನ್ನಿ ವಿವರವಾಗಿ ನಿಮ್ಮ ಅಕ್ಕ ಪಕ್ಕ ಇರುವ ವಿಭಿನ್ನ ಕಂಪ್ಯೂಟರ್ ಬಗ್ಗೆ ತಿಳಿಯೋಣ.

{tocify} $title={ವಿಷಯ ಸೂಚಿ}

ಮಾಹಿತಿಯ ಆಧಾರದ ಮೇಲೆ

ಒಂದು ಕಂಪ್ಯೂಟರ್ ಯಾವ ರೀತಿಯ ಮಾಹಿತಿ ಸಂಸ್ಕರಿಸುತ್ತೆ ಅದರ ಆಧಾರದ ಮೇಲೆ ಕಂಪ್ಯೂಟರ್ ಅನ್ನು ಹೀಗೆ ವಿಂಗಡಿಸಬಹುದು.

೧. ಡಿಜಿಟಲ್ ಕಂಪ್ಯೂಟರ್

೨. ಅನಾಲಾಗ್ ಕಂಪ್ಯೂಟರ್

೩. ಹೈಬ್ರಿಡ್ (ಮಿಶ್ರ) ಕಂಪ್ಯೂಟರ್

ಯಾವ ರೀತಿಯ ಮಾಹಿತಿ ಕಂಪ್ಯೂಟರ್ ಸಂಸ್ಕರಿಸುತ್ತದೆ ಅದರ ಆಧಾರದ ಮೇಲೆ ಕಂಪ್ಯೂಟರ್ ಅನ್ನು ಹೆಸರಿಸಬಹುದು. ಮಾಹಿತಿ ಒಂದೇ ಡಿಜಿಟಲ್ ಆಗಿರಬಹುದು ಅಥವಾ ಅನಾಲಾಗ್ ಆಗಿರಬಹುದು.

ಈ ಡಿಜಿಟಲ್ ಹಾಗೂ ಅನಾಲಾಗ್ ಬಗ್ಗೆ ಇನ್ನೊಂದು ಸಲ ವಿವರವಾಗಿ ಹೇಳ್ತಿನಿ. ಈಗ ಸದ್ಯಕ್ಕೆ ಡಿಜಿಟಲ್ ಅಂದ್ರೆ ಅಂಕೆಗಳ ರೂಪದ, ಅನಾಲಾಗ್ ಎಂದರೆ ಪ್ರಮಾಣದ ರೂಪದ ಮಾಹಿತಿ ಎಂದು ನೆನಪಿಡಿ.

ನಮ್ಮ ಸುತ್ತ ಮುತ್ತ ಇರುವ ಸ್ಮಾರ್ಟ್ ಫೋನ್, ಲ್ಯಾಪ್ ಟಾಪ್, ಡೆಸ್ಕ್ ಟಾಪ್ ಕಂಪ್ಯೂಟರ್ ಎಲ್ಲ ಡಿಜಿಟಲ್ ಕಂಪ್ಯೂಟರ್ ಆಗಿವೆ.

೧. ಡಿಜಿಟಲ್ ಕಂಪ್ಯೂಟರ್

ಡಿಜಿಟಲ್ ಮಾಹಿತಿ ಮಾತ್ರ ಸಂಸ್ಕರಿಸುವ ಹಾಗೂ ಉಳಿಸುವ ಸಾಮರ್ಥ್ಯ ಇರುವ ಕಂಪ್ಯೂಟರ್ ಗೆ ಡಿಜಿಟಲ್ ಕಂಪ್ಯೂಟರ್ ಅನ್ನುತ್ತಾರೆ.

೨. ಅನಾಲಾಗ್ ಕಂಪ್ಯೂಟರ್

ಕೇವಲ ಅನಾಲಾಗ್ ಮಾಹಿತಿ ಪ್ರಾಸೆಸ್ ಮಾಡುವ ಹಾಗೂ ಉಳಿಸುವ ಕಂಪ್ಯೂಟರ್ ಗೆ ಅನಾಲಾಗ್ ಕಂಪ್ಯೂಟರ್ ಎನ್ನುತ್ತಾರೆ.

೩. ಹೈಬ್ರಿಡ್ (ಮಿಶ್ರ) ಕಂಪ್ಯೂಟರ್

ಡಿಜಿಟಲ್ ಹಾಗೂ ಅನಾಲಾಗ್ ಎರಡೂ ರೀತಿಯ ಮಾಹಿತಿಯನ್ನು ಪ್ರಾಸೆಸ್ ಮಾಡುವ ಸಾಮರ್ಥ್ಯ ಇರುವ ಕಂಪ್ಯೂಟರ್ ಗೆ ಹೈಬ್ರಿಡ್ ಕಂಪ್ಯೂಟರ್ ಅಥವಾ ಮಿಶ್ರ ಕಂಪ್ಯೂಟರ್ ಎನ್ನಬಹುದು.

ಗಾತ್ರ ಹಾಗೂ ಶಕ್ತಿಯ ಆಧಾರದ ಮೇಲೆ

ಕಂಪ್ಯೂಟರ್ ನ ಗಾತ್ರ, ರೂಪ ಹಾಗೂ ಅದರ ಶಕ್ತಿಯ ಆಧಾರದ ಮೇಲೆ ಈ ಮುಂದಿನ ರೀತಿಯಲ್ಲಿ ವಿಂಗಡಿಸಬಹುದು. ಬಹುಶಃ ಈ ಮುಂದಿನ ಹಲವು ರೀತಿಯ ಕಂಪ್ಯೂಟರ್ ನೀವು ಬಳಸಿರಬಹುದು ಅಥವಾ ಕನಿಷ್ಟ ನೋಡಿರಬಹುದು.

೧. ವಿಯರೇಬಲ್ ಕಂಪ್ಯೂಟರ್ (ಧರಿಸುವಂತಹ / ತೊಡುವಂತಹ / ಉಡುವಂತಹ ಕಂಪ್ಯೂಟರ್)

• ಸ್ಮಾರ್ಟ್ ವಾಚ್
• ಸ್ಮಾರ್ಟ್ ಕನ್ನಡಕ

೨. ಮೈಕ್ರೋ ಕಂಪ್ಯೂಟರ್ (ಪರ್ಸನಲ್ ಕಂಪ್ಯೂಟರ್)

• ಡೆಸ್ಕ್ ಟಾಪ್
• ನೋಟ್ ಬುಕ್
• ಲ್ಯಾಪ್ ಟಾಪ್
• ಪರ್ಸನಲ್ ಡಿಜಿಟಲ್ ಅಸಿಸ್ಟಂಟ್
• ಸ್ಮಾರ್ಟ್ ಫೋನ್ / ಮೊಬೈಲ್
• ಟ್ಯಾಬ್ಲೆಟ್ ಅಥವಾ ಟ್ಯಾಬ್

೩. ವರ್ಕ್ ಸ್ಟೇಶನ್

೪. ಮಿನಿ ಕಂಪ್ಯೂಟರ್

೫. ಸರ್ವರ್

೬. ಮೇನ್ ಫ್ರೇಮ್ 

೭. ಸೂಪರ್ ಕಂಪ್ಯೂಟರ್

ಬನ್ನಿ ಪ್ರತಿಯೊಂದು ಕಂಪ್ಯೂಟರ್ ಬಗ್ಗೆ ಸ್ವಲ್ಪ ತಿಳಿಯೋಣ.

೧. ವಿಯರೇಬಲ್ ಕಂಪ್ಯೂಟರ್ (ಧರಿಸುವಂತಹ / ತೊಡುವಂತಹ / ಉಡುವಂತಹ ಕಂಪ್ಯೂಟರ್)

ದೇಹಕ್ಕೆ ತೊಡುವಂತಹ ಚಿಕ್ಕ ಕಂಪ್ಯೂಟರ್ ಗಳನ್ನು ವಿಯರೇಬಲ್ ಕಂಪ್ಯೂಟರ್ ಎಂದು ಕರೆಯುತ್ತಾರೆ. ಉದಾಹರಣೆಗೆ ಕೈ ಗೆ ತೊಡುವ ಕಂಪ್ಯೂಟರ್  ವಾಚ್ ಅಥವಾ ಕನ್ನಡಕದಲ್ಲಿ ಕಂಪ್ಯೂಟರ್ ಇದ್ದರೆ ಅವು ಎಲ್ಲ ಧರಿಸುವಂತಹ ಕಂಪ್ಯೂಟರ್ ಗಳೇ.

ಸ್ಮಾರ್ಟ್ ವಾಚ್

ಇಂದು ಹಲವಾರು ರೀತಿಯ ಸ್ಮಾರ್ಟ್ ವಾಚ್ ಗಳು ಬಂದಿವೆ. ಮುಖ್ಯವಾಗಿ ಸ್ಮಾರ್ಟ್ ವಾಚ್ ಅಲ್ಲಿ ಎರಡು ವಿಧ. 

೧. ಸ್ಟ್ಯಾಂಡ್ ಅಲೋನ್ ಸ್ಮಾರ್ಟ್ ವಾಚ್

೨. ರೆಗ್ಯುಲರ್ ಸ್ಮಾರ್ಟ್ ವಾಚ್

ಸ್ಟ್ಯಾಂಡ್ ಅಲೋನ್ ಸ್ಮಾರ್ಟ್ ವಾಚ್ ಅಲ್ಲಿ ಸಿಮ್ ಕಾರ್ಡ್ ಹಾಕಿ ಕಾಲ್, ಮೆಸೇಜ್ ಎಲ್ಲ ಮಾಡಬಹುದು. ಸ್ಮಾರ್ಟ್ ಫೋನ್ ಜೊತೆ ಜೋಡಿ ಮಾಡುವ ಅವಶ್ಯಕತೆ ಇಲ್ಲ. ಆದರೆ ಜೋಡಿ ಮಾಡಿ ಸಹ  ಬಳಸಬಹುದು. ಇದರ ಬೆಲೆ ಜಾಸ್ತಿ ಹಾಗೂ ಇದು ಗಾತ್ರದಲ್ಲಿ ದೊಡ್ಡದು.

ರೆಗ್ಯುಲರ್ ಸ್ಮಾರ್ಟ್ ವಾಚ್ ಅಲ್ಲಿ ಸ್ಮಾರ್ಟ್ ಫೋನ್ ಜೊತೆ ಜೋಡಿ ಮಾಡಲೇ ಬೇಕು. ಇಲ್ಲದಿದ್ದರೆ ಅದರಲ್ಲಿನ ಹಲವು ಫೀಚರ್ ಬಳಸಲು ಸಾಧ್ಯವಿಲ್ಲ. ಬೆಲೆ ಕಡಿಮೆ ಹಾಗೂ ಚಿಕ್ಕ ಗಾತ್ರದಾಗಿರುತ್ತದೆ.

ಸ್ಮಾರ್ಟ್ ಕನ್ನಡಕ

ಕನ್ನಡಕದ ಒಂದು ಮೂಲೆಯಲ್ಲಿ ಕ್ಯಾಮೆರಾ, ಪರದೆ ಜೋಡಿಸಿ ಬ್ಯಾಟರಿ ಜೊತೆಗೆ ಇರುವ ಕಂಪ್ಯೂಟರ್ ಅನ್ನು ಸ್ಮಾರ್ಟ್ ಕನ್ನಡಕ ಅನ್ನುತ್ತಾರೆ. ಗೂಗಲ್ ಗ್ಲಾಸ್ ಇದಕ್ಕೆ ಉದಾಹರಣೆ. ಆದರೆ ಅದು ಅಷ್ಟೊಂದು ಜನಪ್ರಿಯ ಆಗಲಿಲ್ಲ.

೨. ಮೈಕ್ರೋ ಕಂಪ್ಯೂಟರ್ (ಪರ್ಸನಲ್ ಕಂಪ್ಯೂಟರ್)

ಕಂಪ್ಯೂಟರ್ ತಂತ್ರಜ್ಞ ಅಲ್ಲದವರೂ ಜನ ಸಾಮಾನ್ಯರು ಬಳಸುವಂತೆ ವಿನ್ಯಾಸ ಗೊಳಿಸಿದ ತುಂಬಾ ದುಬಾರಿ ಅಲ್ಲದ ಗಾತ್ರದಲ್ಲೂ ಚಿಕ್ಕದಾಗಿರುವ ಕಂಪ್ಯೂಟರ್ ಅನ್ನು ಪರ್ಸನಲ್ ಕಂಪ್ಯೂಟರ್ ಅಥವಾ ಮೈಕ್ರೋ ಕಂಪ್ಯೂಟರ್ ಅನ್ನುತ್ತಾರೆ.

ಈ ಕಂಪ್ಯೂಟರ್ ಅನ್ನು ಗೇಮಿಂಗ್, ಸಂವಹನ, ಬ್ರೌಸಿಂಗ್, ವಿಡಿಯೋ/ಆಡಿಯೋ ವೀಕ್ಷಣೆ, ಕೋಡಿಂಗ್, ಮಾನಿಟರಿಂಗ್ ಹೀಗೆ ಹಲವು ಕಾರಣಗಳಿಗೆ ಬಳಸಬಹುದು.

ಪರ್ಸನಲ್ ಕಂಪ್ಯೂಟರ್ ಬಳಸಲು ನಿಮಗೆ ಕೋಡಿಂಗ್ ಅಥವಾ ಇನ್ನಿತರ ತಂತ್ರಜ್ಞಾನದ ಅರಿವು ಬೇಕಿಲ್ಲ. ಕೇವಲ ಅಪ್ಲಿಕೇಶನ್ ಹಾಗೂ ಆಪರೇಟಿಂಗ್ ಸಿಸ್ಟೆಮ್ ಬಳಸುವದು ತಿಳಿದು ಇದ್ದರೆ ಸಾಕು.

ಆದ್ದರಿಂದಲೇ ಇವು ಜನಪ್ರಿಯವಾದವು.

ಡೆಸ್ಕ್ ಟಾಪ್

ಒಂದೇ ಜಾಗದಲ್ಲಿಟ್ಟು ಬಳಸಲು ವಿನ್ಯಾಸ ಮಾಡಿದ ವಿಶೇಷತಃ ಮಾನಿಟರ್ ಅನ್ನು ಡೆಸ್ಕ್ ಮೇಲೆ ಇಟ್ಟು ಬಳಸಲು ಅನುಕೂಲವಾಗಿರುವ ಕಂಪ್ಯೂಟರ್ ಗೆ ಡೆಸ್ಕ್ ಟಾಪ್ ಕಂಪ್ಯೂಟರ್ ಎನ್ನುತ್ತಾರೆ.
ಡೆಸ್ಕ್ ಟಾಪ್ ಅಲ್ಲಿ ಮುಖ್ಯವಾಗಿ ಹಲವು ಬಗೆಗಳಿವೆ

೧. ಆಲ್ ಇನ್ ಒನ್ (ಎಲ್ಲವನ್ನೂ ಒಳಗೊಂಡ)

ಈ ತರಹದ ಕಂಪ್ಯೂಟರ್ ಗಳಲ್ಲಿ ಡಿಸ್ಪ್ಲೇ ಮಾನಿಟರ್ ಅಲ್ಲೇ ಪ್ರಾಸೆಸರ್, ಮೆಮರಿ, ಪವರ್ ಸಪ್ಲೈ, ಜಿಪಿಯು ಎಲ್ಲ ಇದ್ದು ಕಂಪ್ಯಾಕ್ಟ್ ಆಗಿದ್ದು ಕಡಿಮೆ ಜಾಗ ತೆಗೆದು ಕೊಳ್ಳುತ್ತದೆ.

ಈ ತರಹದ ಡೆಸ್ಕ್ ಟಾಪ್ ಅಲ್ಲಿ ಅಪ್ ಗ್ರೇಡ್ ಹಾಗೂ ರಿಪೇರಿ ಕಷ್ಟ.

೨. ಗೇಮಿಂಗ್ ಕಂಪ್ಯೂಟರ್

ಗೇಮಿಂಗ್ ಕಂಪ್ಯೂಟರ್ ಗಳು ಹೈ ಎಂಡ್ ಗ್ರಾಫಿಕ್ಸ್ ಕಾರ್ಡ್, ಮಲ್ಟಿ ಕೋರ್ ಪ್ರಾಸೆಸರ್ ಹೊಂದಿದ್ದು ಜಾಸ್ತಿ ಮೆಮರಿ ಸಹ ಇರುತ್ತೆ. ಹೈ ಫ್ರೇಮ್ ರೇಟ್ ಹ್ಯಾಂಡಲ್ ಮಾಡುವ ಈ ಕಂಪ್ಯೂಟರ್ ಬಿಸಿ ಆಗದಂತೆ ತಡೆಯಲು ವಾಟರ್ ಕೂಲಿಂಗ್ ಅಥವಾ ಫ್ಯಾನ್ ಕೂಲಿಂಗ್ ಸೌಲಭ್ಯ ಸಹ ಇರುತ್ತೆ. ಇದು ಸಾಮಾನ್ಯ ಕಂಪ್ಯೂಟರ್ ಗಿಂತ ದುಬಾರಿ ಕೂಡ. ಅಪ್ ಗ್ರೇಡ್ ಹಾಗೂ ರಿಪೇರಿ ಈ ತರಹದ ಕಂಪ್ಯೂಟರ್ ಸುಲಭ.

ಸಾಮಾನ್ಯವಾಗಿ ಈ ತರಹದ ಕಂಪ್ಯೂಟರ್ ಗಳನ್ನು ಗೇಮಿಂಗ್ ಆಡಲು ಹಾಗೂ ವಿಡಿಯೋ ಎಡಿಟಿಂಗ್ ಗೆ ಬಳಸುತ್ತಾರೆ .

೩. ವರ್ಕ್ ಸ್ಟೇಶನ್

ವರ್ಕ್ ಸ್ಟೇಶನ್ ಕೂಡಾ ಶಕ್ತಿಶಾಲಿ ಪ್ರಾಸೆಸರ್ ಗಳನ್ನು ಹೊಂದಿದ್ದು ಹೈ ರಿಸೊಲ್ಯೂಶನ್ ಮಾನಿಟರ್ ಹೊಂದಿರುತ್ತದೆ.

ವಿಡಿಯೋ ಅಥವಾ ಆಡಿಯೋ ಎಡಿಟಿಂಗ್ ಗೆ, ಅಪ್ಲಿಕೇಶನ್ ಡೆವೆಲಪ್ ಮೆಂಟ್, ವೈಜ್ಞಾನಿಕ ಲೆಕ್ಕಾಚಾರಕ್ಕೆ ಗೆ ಬಳಸುತ್ತಾರೆ

ಲ್ಯಾಪ್ ಟಾಪ್ ಅಥವಾ ನೋಟ್ ಬುಕ್ ಕಂಪ್ಯೂಟರ್

ಆರಾಮವಾಗಿ ತೊಡೆಯ ಮೇಲೂ ಇಟ್ಟು ಬಳಸಬಹುದಾದ ಎಲ್ಲಿಂದರೆಲ್ಲಿ ಒಯ್ಯಬಲ್ಲ ಕೀಲಿಮಣೆ, ಪರದೆ ಎರಡೂ ಇರುವ ಕಂಪ್ಯೂಟರ್ ಅನ್ನು ಲ್ಯಾಪ್ ಟಾಪ್ ಅನ್ನುತ್ತಾರೆ.

ಬಳಕೆ ಹಾಗೂ ಗಾತ್ರದ ಆಧಾರದ ಮೇಲೆ ಲ್ಯಾಪ್ ಟಾಪ್ ಅನ್ನು ಹೀಗೆ ವಿಂಗಡಿಸುತ್ತಾರೆ.

• ಸಾಮಾನ್ಯ ಲ್ಯಾಪ್ ಟಾಪ್
• ಅಲ್ಟ್ರಾ ಬುಕ್ : ಇದು ಸಾಮಾನ್ಯ ಲ್ಯಾಪ್ ಟಾಪ್ ಗಿಂತ ಜಾಸ್ತಿ ಕಂಪ್ಯಾಕ್ಟ್ ಆಗಿದ್ದು ಶಕ್ತಿಶಾಲಿ ಕೂಡಾ ಆಗಿರುತ್ತದೆ. ಬೆಲೆ ಕೂಡಾ ಜಾಸ್ತಿ.
• ಗೇಮಿಂಗ್ ಲ್ಯಾಪ್ ಟಾಪ್: ಇದು ಗೇಮಿಂಗ್ ಆಡಲು ಅನುಕೂಲ ಆಗುವಂತೆ ಶಕ್ತಿಶಾಲಿ ಗ್ರಾಫಿಕ್ಸ್ ಪ್ರಾಸೆಸರ್ ಹಾಗೂ ಸ್ವಲ್ಪ ದಪ್ಪ ಹಾಗೂ ಭಾರ ಕೂಡಾ ಇರುತ್ತದೆ. ಇದರ ವೇಗ ಜಾಸ್ತಿ.
• ಕ್ರೋಮ್ ಬುಕ್: ಗೂಗಲ್ ಅವರ ಕ್ರೋಮ್ ಆಪರೇಟಿಂಗ್ ಸಿಸ್ಟೆಮ್ ಇರುವ ಇದು ಕೆಲವು ಅಂತರ್ಜಾಲ ಸಂಬಂಧಿಸಿದ ಕೆಲಸಕ್ಕೆ ಮಾತ್ರ ಯೋಗ್ಯ. ಇದರ ಬೆಲೆ ಸಾಮಾನ್ಯವಾಗಿ ಕಡಿಮೆ.
• ರಗ್ಗೆಡ್ ಲ್ಯಾಪ್ ಟಾಪ್: ಮಿಲಿಟರಿ ಅಥವಾ ತುಂಬಾ ಪ್ರತಿಕೂಲ ವಾತಾವಾರಣ ಸನ್ನಿವೇಶಗಳಲ್ಲಿ ಬಳಸಲು ಗಟ್ಟಿಯಾದ ಕೋಶ ಇರುವ ಈ ಲ್ಯಾಪ್ ಟಾಪ್ ಬಳಸಲಾಗುತ್ತದೆ.
• ಕನ್ವರ್ಟಿಬಲ್ : ಲ್ಯಾಪ್ ಟಾಪ್ ನಂತೆಯೂ ಬೇಕಾದಾಗ ಟ್ಯಾಬ್ಲೆಟ್ ತರಾನೂ ಬಳಸುವಂತೆ ಈ ಲ್ಯಾಪ್ ಟಾಪ್ ವಿನ್ಯಾಸ ಮಾಡಿರುತ್ತಾರೆ.

ಪರ್ಸನಲ್ ಡಿಜಿಟಲ್ ಅಸಿಸ್ಟಂಟ್

ಸ್ಮಾರ್ಟ ಫೋನ್ ಜನಪ್ರಿಯ ಆಗುವ ಮೊದಲು ಸ್ಟೈಲಸ್ ಬಳಸಿ ಆಪರೇಟ್ ಮಾಡುವ ಪಿಡಿಎ ಗಳು ಜನಪ್ರಿಯ ಆಗಿದ್ದವು. ಸ್ಮಾರ್ಟ್ ಫೋನ್ ಬಂದ ನಂತರ ಇವು ಮರೆಯಾದವು.

ಸ್ಮಾರ್ಟ್ ಫೋನ್ / ಮೊಬೈಲ್

ಮೊಬೈಲ್ ಫೋನ್ ಹಾಗೂ ಕಂಪ್ಯೂಟರ್ ನ ಎರಡೂ ಸೌಲಭ್ಯ ಹೊಂದಿರುವ ಯಂತ್ರಕ್ಕೆ ಸ್ಮಾರ್ಟ್ ಫೋನ್ ಎನ್ನುತ್ತಾರೆ. ಈ ಸ್ಮಾರ್ಟ್ ಫೋನ್ ಕೂಡಾ ಕಂಪ್ಯೂಟರ್ ನ ಒಂದು ರೂಪ.

ಇಂದು ಸ್ಮಾರ್ಟ್ ಫೋನ್ ನಗರದಿಂದ ಹಳ್ಳಿಯವರೆಗೆ ಜನಪ್ರಿಯವಾಗಿದೆ. ಕೈಯಗಲದ ಈ ಯಂತ್ರದಲ್ಲಿ ವಿಡಿಯೋ ಕಾಲ್, ಫೋಟೋಗ್ರಾಫಿ, ಬ್ರೌಸಿಂಗ್, ಮೆಸೇಜಿಂಗ್, ಗೇಮಿಂಗ್, ಯೂಟ್ಯೂಬ್, ಫೇಸ್ ಬುಕ್ ಎಲ್ಲ ಸಾಧ್ಯ.

ಟ್ಯಾಬ್ಲೆಟ್ ಅಥವಾ ಟ್ಯಾಬ್

ಟಚ್ ಸ್ಕ್ರೀನ್ ಪರದೆ ಇದ್ದು ಮೊಬೈಲ್ ಆಪರೇಟಿಂಗ್ ಸಿಸ್ಟೆಮ್ ನಿಂದ ನಡೆಯುವ, ಗಾತ್ರದಲ್ಲಿ ಸ್ಮಾರ್ಟ್ ಫೋನ್ ಗಿಂತ ದೊಡ್ಡ ದಾಗಿರುವ ಕಂಪ್ಯೂಟರ್ ಗೆ ಟ್ಯಾಬ್ ಅಥವಾ ಟ್ಯಾಬ್ಲೆಟ್ ಕಂಪ್ಯೂಟರ್ ಅನ್ನುತ್ತಾರೆ.

೪. ಮಿನಿ ಕಂಪ್ಯೂಟರ್

ಒಂದು ಕಾಲದಲ್ಲಿ ೧೯೬೦ರ ಸುಮಾರಿಗೆ ಮೇನ್ ಫ್ರೇಮ್ ಗಳು ಇಡೀ ರೂಂ ಆವರಿಸಿರುತ್ತಿದ್ದವು. ಈ ಸಂದರ್ಭದಲ್ಲಿ ಟ್ರಾನ್ಸಿಸ್ಟರ್ ಬಳಸಿ  ಚಿಕ್ಕ ಗಾತ್ರದ ಕಡಿಮೆ ಬೆಲೆಯ ಮಿನಿ ಕಂಪ್ಯೂಟರ್ ಗಳು ಬಳಕೆಗೆ ಬಂದವು. 

೫. ಸರ್ವರ್

ಸರ್ವರ್ ಒಂದು ವಿಶಿಷ್ಟ ಕಂಪ್ಯೂಟರ್ ಆಗಿದ್ದು ಯಾವುದೇ ನಿಲುಗಡೆ ಇಲ್ಲದೇ ವರ್ಷವಿಡೀ ರನ್ ಆಗುವಂತೆ ವಿನ್ಯಾಸ ಗೊಳಿಸಲಾಗಿರುತ್ತದೆ. ಆದಷ್ಟು ವೇಗವಾಗಿ ಗ್ರಾಹಕರಿಗೆ ವೆಬ್ ಸೈಟ್, ರೆಸ್ಟ್ ಸರ್ವೀಸ್, ವೆಬ್ ಸರ್ವೀಸ್ ಸೇವೆಯನ್ನು ಒದಗಿಸುವಂತೆ ಟ್ಯೂನ್ ಮಾಡಲಾಗಿರುತ್ತದೆ.

ಕೂಲಿಂಗ್ ಹಾಗೂ ನಿರಂತರ ಅಡೆತಡೆ ಇಲ್ಲದ ವಿದ್ಯುತ್ ಸಂಪರ್ಕ ಸೌಲಭ್ಯವನ್ನು ಹೊಂದಿರುತ್ತದೆ.

ಹಲವು ಸರ್ವರ್ ಗಳ ಗುಂಪನ್ನು ಕ್ಲಸ್ಟರ್ ಎನ್ನುತ್ತಾರೆ. ಒಂದು ಸರ್ವರ್ ನ ಶಕ್ತಿಗೆ ಮೀರಿದ ಕೆಲಸಗಳನ್ನು ಮಾಡಲು ಈ ಕ್ಲಸ್ಟರ್ ಗಳನ್ನು ಬಳಸಲಾಗುತ್ತದೆ. ಅಕಸ್ಮಾತ್ ತಾಂತ್ರಿಕ ಸಮಸ್ಯೆಯಿಂದ ಒಂದೋ ಎರಡೂ ಸರ್ವರ್ ಹಾಳಾದರೂ ಕ್ಲಸ್ಟರನ ಸೇವೆಗೆ ತೊಂದರೆ ಆಗುವದಿಲ್ಲ.

೬. ಮೇನ್ ಫ್ರೇಮ್

ಭಾರಿ ಪ್ರಮಾಣದ ಮೆಮರಿ ಹಾಗೂ ಹಲವು ಪ್ರಾಸೆಸರ್ ಗಳನ್ನು ಬಳಸಿ ಮಾಡಿದ ಶಕ್ತಿಶಾಲಿ  ಕಂಪ್ಯೂಟರ್ ಅನ್ನು ಮೇನ್ ಫ್ರೇಮ್ ಕಂಪ್ಯೂಟರ್ ಅನ್ನುತ್ತಾರೆ. ಇದನ್ನು ಸಾಮಾನ್ಯವಾಗಿ ದೊಡ್ಡ ದೊಡ್ಡ ಕಂಪನಿಗಳಲ್ಲಿ ಬಳಸುತ್ತಾರೆ.

೭. ಸೂಪರ್ ಕಂಪ್ಯೂಟರ್

ಅತ್ಯಂತ ಶಕ್ತಿಶಾಲಿಯಾದ ಕಂಪ್ಯೂಟರ್ ಗಳಿಗೆ ಸೂಪರ್ ಕಂಪ್ಯೂಟರ್ ಅನ್ನುತ್ತಾರೆ. ಸೂಪರ್ ಕಂಪ್ಯೂಟರ್ ಗಳನ್ನು ವೈಜ್ಞಾನಿಕ ಸಂಶೋಧನೆ, ಖಗೋಳ ಶಾಸ್ತ್ರ ಮೊದಲಾದ ಕೆಲಸಗಳಿಗೆ ಬಳಸಲಾಗುತ್ತದೆ.

ಮುಂದಿನ ಲೇಖನದಲ್ಲಿ ಕಂಪ್ಯೂಟರ್ ನ ವಿವಿಧ ಉಪಯೋಗ ತಿಳಿಯೋಣ.

ಈ ಲೇಖನ ಹೇಗನಿಸಿತು? ಹೇಗೆ ಇನ್ನೂ ಇಂಪ್ರೂವ್ ಮಾಡಬಹುದು? ಕಮೆಂಟ್ ಹಾಕ್ತೀರಾ? ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.

ಚಿತ್ರ ಕೃಪೆ: fancycrave1 ಇಂದ Pixabay 

ಚಿತ್ರ ಕೃಪೆ: ಗೂಗಲ್ 

ಚಿತ್ರ ಕೃಪೆ: PublicDomainPNG ಇಂದ Pixabay

ಚಿತ್ರ ಕೃಪೆ: Norbert Levajsics on Unsplash

ಚಿತ್ರ ಕೃಪೆ: Alienware on Unsplash

ಚಿತ್ರ ಕೃಪೆ: XPS on Unsplash

ಚಿತ್ರ ಕೃಪೆ: OpenClipart-Vectors from Pixabay

ಚಿತ್ರ ಕೃಪೆ: Rahul Chakraborty on Unsplash

ಚಿತ್ರ ಕೃಪೆ: dlohner from Pixabay

ಚಿತ್ರ ಕೃಪೆ: Agitalizr on Unsplash

ಚಿತ್ರ ಕೃಪೆ: Kevin Phillips from Pixabay