ಬ್ಲ್ಯಾಕ್ ಬೆರ್ರಿ 5ಜಿ ಸ್ಮಾರ್ಟ್ ಫೋನ್ ಇನ್ನು ಬರಲ್ಲ

ಒಂದುವರೆ ದಶಕದ ಹಿಂದೆ ಬ್ಲ್ಯಾಕ್ ಬೆರ್ರಿ ಫೋನ್ ಅನೇಕ ಜನ ಕಂಪನಿಗಳಲ್ಲಿ ಆಫೀಸ್ ಫೋನ್ ಆಗಿ ಬಳಸುತ್ತಿದ್ದರು. ಕ್ವೆರ್ಟಿ (QWERTY) ಕೀಲಿಮಣೆ ಇರುತ್ತಿದ್ದ ಹಾಗೂ ಸುರಕ್ಷತೆಯಲ್ಲಿ ಅಪ್ರತಿಮವಾಗಿದ್ದ ಈ ಫೋನ್ ಗಳು ಎಂಟರ್ ಪ್ರೈಸ್ ಗಳ ಫೇವರಿಟ್ ಆಗಿತ್ತು.

{tocify} $title={ವಿಷಯ ಸೂಚಿ}

ಕೆಲವು ವರ್ಷಗಳ ಹಿಂದೆ ಟೆಕ್ಸಾಸ್ ನ ಸ್ಟಾರ್ಟ್ ಅಪ್ ಒನ್ ವಾರ್ಡ್ ಮೊಬಿಲಿಟಿ ಒಂದು ಬ್ಲ್ಯಾಕ್ ಬೆರ್ರಿ ಹೆಸರಲ್ಲಿ ೫ಜಿ ಅಂಡ್ರಾಯಿಡ್ ಫೋನ್ ಮಾಡುವ ಪ್ರಾಜೆಕ್ಟ್ ಮಾಡುತ್ತಲಿತ್ತು. 2021ರಲ್ಲಿ ಅದು ಹೊಸ ೫ಜಿ ಬ್ಲ್ಯಾಕ್ ಬೆರ್ರಿ ಫೋನ್ ಬಿಡುಗಡೆ ಮಾಡಬೇಕಿತ್ತು. ಈಗ ಆ ಕಂಪನಿ ಶಟ್ ಡೌನ್ ಆಗುತ್ತಿರುವ ಸುದ್ದಿ ಬಂದಿದೆ.

ಬನ್ನಿ ಒಂದು ಕಾಲದ ಜನಪ್ರಿಯ ಸ್ಮಾರ್ಟ್ ಫೋನ್ ಹೇಗೆ ಅಧಪತನ ಆಯ್ತು ನೋಡೋಣ. ನೆನಪಿಡಿ ಆ ಮೂಲ ಬ್ಲ್ಯಾಕ್ ಬೆರ್ರಿ ಕಂಪನಿ ಈಗಲೂ ಸುರಕ್ಷತೆ ಡೊಮೈನ್ ಅಲ್ಲಿ ಸಕ್ರಿಯ ವಾಗಿದೆ.

ಐಫೋನ್ / ಅಂಡ್ರಾಯಿಡ್ ಫೋನ್ ಜೊತೆ ಸೋಲು

ಐ ಫೋನ್ ಹಾಗೂ ಅಂಡ್ರಾಯಿಡ್ ಫೋನ್ ಯಶಸ್ಸಿಗೆ ನೊಕಿಯಾ ಹಾಗೂ ಬ್ಲ್ಯಾಕ್ ಬೆರ್ರಿ ಸ್ಪರ್ಧಿಸಲಾಗದೇ ಸೋತು ಹೋದವು.

ಅಂತಿಮ ಹಂತದಲ್ಲಿ ಬ್ಲ್ಯಾಕ್ ಬೆರ್ರಿ ಕಂಪನಿಯು ಝೆಡ್ 10  ಎಂಬ ಅಂಡ್ರಾಯಿಡ್ ಆಪರೇಟಿಂಗ್ ಸಿಸ್ಟೆಮ್ ಇದ್ದ ಫೋನ್ ಸಹ ಬಿಡುಗಡೆ ಮಾಡಿತ್ತು. ಆದರೆ ಅಷ್ಟರಲ್ಲಿ ಐಒಎಸ್ ಹಾಗೂ ಅಂಡ್ರಾಯಿಡ್ ಫೋನ್ ಗಳು ಎಂಟರ್ ಪ್ರೈಸ್ ಗೆ ಅಗತ್ಯ ಸುರಕ್ಷತೆ ಅಳವಡಿಸಿಕೊಂಡು ಬ್ಲ್ಯಾಕ್ ಬೆರ್ರಿ ಯನ್ನು ಸ್ಥಾನ ಪಲ್ಲಟ ಮಾಡಿ ಆಗಿತ್ತು.

ಬ್ಲ್ಯಾಕ್ ಬೆರ್ರಿಗೆ ತಕ್ಕ ಮಟ್ಟಿನ ಯಶಸ್ಸು ಅದರ ಅಂಡ್ರಾಯಿಡ್ ಫೋನಿಗೂ ಸಿಗಲಿಲ್ಲ.

ನೋಕಿಯಾ ಹಾಗೂ ಬ್ಲ್ಯಾಕ್ ಬೆರ್ರಿ ತಮ್ಮ ಬ್ರ್ಯಾಂಡ್ ಅನ್ನು ಬೇರೆ ಕಂಪನಿಗಳಿಗೆ ಸ್ಮಾರ್ಟ್ ಫೋನ್ ತಯಾರಿಸಲು ಲೈಸೆನ್ಸ್ ನೀಡಿ ತಾವು ಬೇರೆ ಕಡೆಗೆ ಗಮನ ಹರಿಸಿದವು.

ಒರಿಜಿನಲ್ ಬ್ಲ್ಯಾಕ್ ಬೆರ್ರಿ ಕಂಪನಿ ಈಗಲೂ ಇದ್ದು ಎಂಡ್ ಪಾಯಿಂಟ್ ಸುರಕ್ಷತೆ ಹಾಗೂ ಇನ್ನಿತರ ಸೇವೆಗಳನ್ನು ನೀಡುವ ಕಡೆ ಗಮನ ಹರಿಸುತ್ತಿದೆ. ಸ್ಮಾರ್ಟ್ ಫೋನ್ ನಿರ್ಮಾಣ ಅದು ಬಿಟ್ಟು ಬಿಟ್ಟಿದೆ.

ಲೈಸೆನ್ಸ್ ಪಡೆದ ಒನ್ ವಾರ್ಡ್ ಮೊಬಿಲಿಟಿ

ಹೀಗೆ ಒನ್ ವಾರ್ಡ್ ಮೊಬಿಲಿಟಿ ಎಂಬ ಸ್ಟಾರ್ಟ್ ಅಪ್ ಕಂಪನಿಯು ಈ ಸ್ಮಾರ್ಟ್ ಫೋನ್ ಲೈಸೆನ್ಸ್ ಪಡೆದಿತ್ತು. 2021ರಲ್ಲೇ ೫ಜಿ ಬ್ಲ್ಯಾಕ್ ಬೆರ್ರಿ ಫೋನ್ ಬಿಡುಗಡೆ ಮಾಡುವೆ ಎಂದು ಆ ಕಂಪನಿ ಪ್ಲ್ಯಾನ್ ಮಾಡಿತ್ತು.

ಆದರೆ 2021ರಲ್ಲಿ ಆ ೫ಜಿ ಬ್ಲ್ಯಾಕ್ ಬೆರ್ರಿ ಫೋನ್  ಬಿಡುಗಡೆ ಆಗಲಿಲ್ಲ. ಆದರೆ ಅಷ್ಟರಲ್ಲಿ ಬ್ಲ್ಯಾಕ್ ಬೆರ್ರಿ ಎಂಟರ್ ಪ್ರೈಸ್ ನ ಸಿ ಇ ಓ ಆದ ಜೋನ್ ಚೆನ್ ಮನಸ್ಸು ಬದಲಾಯಿಸಿ ಒನ್ ವಾರ್ಡ್ ಮೊಬಿಲಿಟಿಗೆ ಸ್ಮಾರ್ಟ್ ಫೋನ್ ಒಂದಕ್ಕೆ ಬ್ಲ್ಯಾಕ್ ಬೆರ್ರಿ ಹೆಸರು ಬಳಸಲು ನೀಡಿದ್ದ ಲೈಸೆನ್ಸ್ ರದ್ದು ಮಾಡಿದರು.

ಒನ್ ವಾರ್ಡ್ ಮೊಬಿಲಿಟಿ ಮುಚ್ಚಲಿದೆ

ಈಗ ಒನ್ ವಾರ್ಡ್ ಮೊಬಿಲಿಟಿ ಶಟ್ ಡೌನ್ ಆಗಲಿದೆ ಎಂದು ಕಂಪನಿ ತಿಳಿಸಿದ್ದು ಬ್ಲ್ಯಾಕ್ ಬೆರ್ರಿ ೫ಜಿ ಪ್ರಾಜೆಕ್ಟ್ ಅದರ ಜೊತೆಗೆ ಮುಚ್ಚಿ ಹೋಗಲಿದೆ. ಆ ಒನ್ ವಾರ್ಡ್ ಮೊಬಿಲಿಟಿ ಬ್ಯಾಂಕ್ಟ್ರಪ್ಸಿ ಅಂದ್ರೆ ದಿವಾಳಿತನದ ಘೋಷಣೆ ಮಾಡಲಿದೆ. 

ಒಟ್ಟಿನಲ್ಲಿ ಇದು ಮೂರನೆ ಬಾರಿ ಬ್ಲ್ಯಾಕ್ ಬೆರ್ರಿ ಸ್ಮಾರ್ಟ್ ಫೋನ್ ಪ್ರೊಜೆಕ್ಟ್ ಮುಚ್ಚಲ್ಪಡುತ್ತಿರುವದು.

ಟಿಸಿಎಲ್ ಸಹ ಬ್ಲ್ಯಾಕ್ ಬೆರ್ರಿ ಫೋನ್ ಮಾಡಿತ್ತು

ಈ ಹಿಂದೆ ಟಿಸಿಎಲ್ ಎಂಬ ಚೈನೀಸ್ ಉತ್ಪಾದಕರು ಬ್ಲ್ಯಾಕ್ ಬೆರ್ರಿ ಹೆಸರಿನ ಅಂಡ್ರಾಯಿಡ್ ಫೋನ್ ಅನ್ನು ನಿರ್ಮಿಸಿ ಮಾರುಕಟ್ಟೆಗೆ ಬಿಟ್ಟಿದ್ದರು. ಆದರೆ ಆಮೇಲೆ ಲೈಸೆನ್ಸ್ ಅನ್ನು ಮತ್ತೆ ನವೀಕರಿಸಿರಲಿಲ್ಲ.

ಕೊನೆಯ ಮಾತು

ಒಟ್ಟಿನಲ್ಲಿ ಈಗ ಇನ್ನೊಂದು ಕಂಪನಿಯೂ ಕೂಡಾ ಸೋತಿರುವದು ಹಾಗೂ ಮೂಲ ಬ್ಲ್ಯಾಕ್ ಬೆರ್ರಿ ಕಂಪನಿ ಸ್ಮಾರ್ಟ್ ಫೋನಿಗೆ ತಮ್ಮ ಬ್ರ್ಯಾಂಡ್ ಬಳಸ ಬಾರದು ಎಂದು ನಿರ್ಧರಿಸಿರುವದು. ಇನ್ನು ಬ್ಲ್ಯಾಕ್ ಬೆರ್ರಿ ಮತ್ತೆ ಪುನರುಜ್ಜೀವನ ಆಗುವದು ಡೌಟು!

ಏನೆ ಇರಲಿ ಬ್ಲ್ಯಾಕ್ ಬೆರ್ರಿ ಫೋನ್ ಅನೇಕ ಜನರ ಕಣ್ಮಣಿ ಆಗಿತ್ತು. ಅದರ ಬಳಸಿದ ಹಲವರಿಗೆ ಆ ಬ್ಲ್ಯಾಕ್ ಬೆರ್ರಿ ಫೋನ್ ಜೊತೆ ಭಾವನಾತ್ಮಕ ನಂಟಿದೆ, ಮಧುರ ನೆನಪಿನ ಗಂಟಿದೆ. 

ಆದರೆ ಕಾಲನ ಮಹಿಮೆಗೆ ಯಾರೂ ಏನೂ ಮಾಡಲು ಆಗದು. ಸದ್ಯಕ್ಕಂತೂ ಶುಭ ವಿದಾಯ. 

ಯಾರಿಗೆ ಗೊತ್ತು ಇನ್ನೊಮ್ಮೆ ಯಾರಾದರೂ ಈ ಬ್ರ್ಯಾಂಡ್ ಬಳಸಿ ಸ್ಮಾರ್ಟ್ ಫೋನ್ ತರುವ ಸಾಹಸಕ್ಕೆ ಭವಿಷ್ಯದಲ್ಲಿ ಕೈ ಹಾಕಿದರೂ ಆಶ್ಚರ್ಯ ಇಲ್ಲ. ಅದಕ್ಕೆ ಮೂಲ ಕಂಪನಿ ಮನಸ್ಸು ಮಾಡಬೇಕು.

ಆದರೆ ಈಗ ಬ್ಲ್ಯಾಕ್ ಬೆರ್ರಿ ೫ಜಿ ಸ್ಮಾರ್ಟ್ ಫೋನ್ ಬರುವದಿಲ್ಲ ಎಂಬುದು ಮಾತ್ರ ಖಚಿತ.

ಈ ಲೇಖನ ಹೇಗನಿಸಿತು? ಹೇಗೆ ಇನ್ನೂ ಇಂಪ್ರೂವ್ ಮಾಡಬಹುದು? ಕಮೆಂಟ್ ಹಾಕ್ತೀರಾ? ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.

ಚಿತ್ರಕೃಪೆ: ArtificialOG ಇಂದ Pixabay

ಪೋಕೊ ಎಂ4 ಪ್ರೋ 5G ಸ್ಮಾರ್ಟ್ ಫೋನ್ ಭಾರತದಲ್ಲಿ. ವಿಶಿಷ್ಟತೆ ಏನು?

ಶಿಯಾಮಿ ಅವರ ಪೋಕೊ ಎಂ4 ಪ್ರೋ 5G ಭಾರತದಲ್ಲಿ ಫೆಬ್ರವರಿ 22 2022ರಂದು ಫ್ಲಿಪ್ ಕಾರ್ಟ್ ಸೇಲ್ ಮೂಲಕ ಬಿಡುಗಡೆ ಆಗಿದೆ. ಈ ಫೋನ್ ವಿಶಿಷ್ಟತೆ ಏನು? ಬನ್ನಿ ನೋಡೋಣ.

ಬಿಡುಗಡೆ ಆಗುತ್ತಿರುವ ಎಲ್ಲ ಹೊಸ ಫೋನ್ ಗಳು ೫ಜಿ ಸೌಲಭ್ಯ ಇರುವ ಚಿಪ್ ಸೆಟ್ ಬಳಸಲಾರಂಭಿಸಿವೆ. ಯಾಕೆಂದರೆ ಸದ್ಯದಲ್ಲೇ ೫ಜಿ ತರಂಗಾಂತರವನ್ನು ಡಾಟಾ ಗೆ ಕಂಪನಿಗಳು ಬಳಸಲು ಸಿದ್ಧತೆ ನಡೆಸುತ್ತಿವೆ.

ಪ್ರಾಸೆಸರ್ (3.5/5)

ಇದೂ ಕೂಡಾ ೫ಜಿ ಫೋನ್ ಆಗಿದ್ದು ಇದು ಮಿಡಿಯಾ ಟೆಕ್ ಡೈಮೆನ್ಸಿಟಿ 810 ಮಿಡ್ ರೇಂಜ್ ಪ್ರಾಸೆಸರ್ ಹೊಂದಿದೆ. ಅದರಲ್ಲಿ ಎಂಟು ಕೋರಿನ 2.4ಗಿಗಾ ಹರ್ಟ್ಜ್ ನ  ಸಿಪಿಯು ಜೊತೆಗೆ ಮಾಲಿ-ಜಿ57 ಜಿಪಿಯು ಹೊಂದಿರುತ್ತದೆ.

ಬ್ಯಾಟರಿ (4/5)

5000ಎಂ ಎ ಏಚ್ ನ ಬ್ಯಾಟರಿ ಇದ್ದು ಒಂದು ಗಂಟೆಯಲ್ಲಿ ಪೂರ್ತಿ ಚಾರ್ಚ್ ಮಾಡಬಲ್ಲ 33ವ್ಯಾಟ್ ಫಾಸ್ಟ್ ಚಾರ್ಜ್ ಸೌಲಭ್ಯ ಇದೆ. ಟೈಪ್-ಸಿ ಪೋರ್ಟ್ ಇದು ಚಾರ್ಜಿಂಗ್ ಗೆ ಬಳಸುತ್ತದೆ. 1 ಗಂಟೆಯಲ್ಲಿ ೧೦೦% ಚಾರ್ಜ್ ಆಗುತ್ತೆ!

ಪರದೆ (4/5)

6.6 ಇಂಚಿನ ಫುಲ್ ಎಚ್ಡಿ+ (2400 * 1080) ರೆಸೊಲ್ಯೂಶನ್ ನ 90 ಹರ್ಟ್ಜ್ ನ ಐಪಿಎಸ್ ಪರದೆ ಹೊಂದಿದೆ. ಪರದೆ ಡಿಸಿಐ - ಪಿ೩ ಕಲರ್ ಗ್ಯಾಮಟ್ ಅಲ್ಲಿ ಹೆಚ್ಚಿನ ಬಣ್ಣಗಳನ್ನು ತೋರಿಸುವ ಸಾಮರ್ಥ್ಯ ಹೊಂದಿದೆ.

ಕ್ಯಾಮೆರಾ (3.5/5)

ಹಿಂದೆ 50ಎಂಪಿಯ ಎಫ್/1.8 ಮುಖ್ಯ ಕ್ಯಾಮರಾ ಹಾಗೂ 8ಮೆಗಾ ಪಿಕ್ಸೆಲ್ ನ 119 ಡಿಗ್ರಿ ವೈಡ್ ಎಂಗಲ್ ಎಫ್/2.2 ಕ್ಯಾಮೆರಾ ಗಳಿವೆ. ಫುಲ್ ಎಚ್ಡೀ 60ಪಿ ವರೆಗೆ ಮಾತ್ರ ವಿಡಿಯೋ ರೆಕಾರ್ಡಿಂಗ್ ಸಾಧ್ಯ.

ಅಕಸ್ಮಾತ್ ನಿಮಗೆ 4ಕೆ ವಿಡಿಯೋ ರೆಕಾರ್ಡಿಂಗ್ ಬೇಕಿದ್ದರೆ ಈ ಫೋನ್ ಅಲ್ಲಿ ಆಗುವದಿಲ್ಲ. ಮ್ಯಾಕ್ರೋ ಕ್ಯಾಮೆರಾ ಕೂಡಾ ಇಲ್ಲ.

ಸಧ್ಯ ಇದರಲ್ಲಿ ಗಿಮಿಕ್ ಮಾಡಲು 2ಎಂಪಿ ಮ್ಯಾಕ್ರೋ ಕ್ಯಾಮೆರಾ, ಡೆಪ್ತ್ ಸೆನ್ಸರ್ ಹೀಗೆ ಕೊಟ್ಟಿಲ್ಲ.

ಮುಂದೆ 16ಮೆಗಾ ಪಿಕ್ಸೆಲ್ ನ ಸೆಲ್ಫಿ ಕ್ಯಾಮೆರಾ ಇದೆ. ಅದೂ ಕೂಡಾ ಪರವಾಗಿಲ್ಲ.

ಬಣ್ಣಗಳು

ಹಳದಿ, ತಿಳಿ ನೀಲಿ ಹಾಗೂ ಕಪ್ಪು ಬಣ್ಣಗಳಲ್ಲಿ ಪ್ಲಾಸ್ಟಿಕ್ ಬಾಡಿಯಲ್ಲಿ ಲಭ್ಯವಿರಲಿದೆ. ಇದೂ ಪೋಕೋ ಅವರ ಬ್ರಾಂಡಿಂಗ್ ಪರಿಕಲ್ಪನೆ ವಿನ್ಯಾಸ ಹೊಂದಿದೆ.

ಸೆನ್ಸರ್ ಗಳು (4/5)

ಸೈಡ್ ಫಿಂಗರ್ ಫ್ರಿಂಟ್ ಸೆನ್ಸರ್ ಇದೆ. ಹೆಚ್ಚು ಕಡಿಮೆ ಎಲ್ಲ ಸಾಮಾನ್ಯ ಸೆನ್ಸರ್ ಇದರಲ್ಲಿದೆ.

ಸಂಪರ್ಕ (5/5)

ಎರಡು ಸ್ಪೀಕರ್ ಗಳು, ಎನ್ ಎಫ್ ಸಿ, ಐ ಆರ್ ಬ್ಲಾಸ್ಟರ್, 3.5 ಆಡಿಯೋ ಜ್ಯಾಕ್ ಸಹ ಇವೆ. ಐ ಆರ್ ಬ್ಲಾಸ್ಟರ್ ಇರುವದರಿಂದ ರಿಮೋಟ್ ತರಹ ಬಳಸಬಹುದು.

ಎರಡು 5ಜಿ ಸಿಮ್  ಸಪೋರ್ಟ್ ಇದೆ. ೫ಜಿ / ೪ಜಿ / ೩ಜಿ/ ೨ಜಿ ಎಲ್ಲ ಸಪೋರ್ಟ್ ಇದೆ. ೫ಜಿಯ 13 ಗ್ಲೋಬಲ್ ಬ್ಯಾಂಡ್ ಅನ್ನು ಸಪೋರ್ಟ್ ಮಾಡುತ್ತದೆ. ಬ್ಲ್ಯೂಟೂತ್ 5.1 ಇದೆ.

ಸ್ಟೋರೇಜ್ ಮತ್ತು ಮೆಮರಿ (5/5)

1 ಟೆರ್ರಾ ಬೈಟ್ ವರೆಗಿನ ಮೈಕ್ರೋ ಎಸ್ ಡಿ ಕಾರ್ಡ್ ಅನ್ನು ಈ ಫೋನ್ ಜೊತೆ ಬಳಸಬಹುದು.

4ಜಿಬಿ + 64ಜಿಬಿ, 6ಜಿಬಿ + 128ಜಿಬಿ, 8ಜಿಬಿ + 128ಜಿಬಿ ವರ್ಶನ್ ಗಳಿದ್ದು 15 ಸಾವಿರ, 17 ಸಾವಿರ,  19 ಸಾವಿರ ಅನುಕ್ರಮ ವಾಗಿ ಅವುಗಳ ಬೆಲೆ ಇರಲಿವೆ.

ಆಕಾರ (5/5)

195 ಗ್ರಾಂ ತೂಕದ ಈ ಫೋನ್ 163.56ಮಿಲಿ ಮೀ ಎತ್ತರ, 75.78ಮಿಮಿ ಅಗಲ, 8.75ಮಿಮಿ ದಪ್ಪ ಇದೆ.

ಸಾಫ್ಟವೇರ್ (4/5)

ಅಂಡ್ರಾಯಿಡ್ ೧೧ ಆಧಾರಿತ ಎಂಐ ಯುಐ ೧೨.೫ ಆಪರೇಟಿಂಗ್ ಸಿಸ್ಟೆಮ್ ಇದೆ. ಈಗಾಗಲೇ ಆಂಡ್ರಾಯಿಡ್ ೧೨ ಮಾರುಕಟ್ಟೆಯಲ್ಲಿದೆ. ಅದನ್ನು ಕೊಟ್ಟಿದ್ದರೆ ಚೆನ್ನಾಗಿತ್ತು. 

ಗಮನಿಸಿ ಇದು ಕಳೆದ ಡಿಸೆಂಬರ್ ೨೦೨೧ರಲ್ಲಿ ಬಿಡುಗಡೆ ಆಗಿದ್ದ ರೆಡ್ ಮಿ ನೋಟ್ 11ಟಿಯ ರಿಬ್ರಾಂಡಡ್ ಫೋನ್ ಆಗಿದೆ.

ಫೆಬ್ರವರಿ 22 2022ರಂದು ಫ್ಲಿಪ್ ಕಾರ್ಟ್ ಸೇಲ್ ಮೂಲಕ ಬಿಡುಗಡೆ ಆಗಿದೆ.  ೪ಕೆ ವಿಡಿಯೋ ರೆಕಾರ್ಡಿಂಗ್ ಇಲ್ಲ ಎನ್ನುವದು ಒಂದು ಇದರ ಕೊರತೆ ಎನ್ನಬಹುದು. ಆದರೆ ಆ ಸೌಲಭ್ಯ ಎಲ್ಲರಿಗೂ ಬೇಕಾಗದು. ಅದನ್ನು ಹೊರತು ಪಡಿಸಿದರೆ ಉತ್ತಮ ಸ್ಕ್ರೀನ್, ವೇಗದ ಪ್ರಾಸೆಸರ್, ಜಾಸ್ತಿ ಮೆಮರಿ, ಎಲ್ಲ ರೀತಿಯ ಸೆನ್ಸರ್ ಗಳು ಲಭ್ಯವಿದೆ. ಒಟ್ಟಿನಲ್ಲಿ ಇದು ಹಣಕ್ಕೆ ತಕ್ಕ ಮೌಲ್ಯ ಫೋನ್ ಎನ್ನಬಹುದು. ನೆನಪಿಡಿ ಇದು ಮಧ್ಯಮ ಶ್ರೇಣಿಯ ಫೋನ್ ಆಗಿದೆ. ಇಲ್ಲಿ ಕ್ಯಾಮೆರಾ  ಹಾಗೂ ಪ್ರಾಸೆಸರ್ ಮಿಡಲ್ ರೇಂಜ್ ಬಳಕೆ ಆಗಿದೆ.

ಲಾಭಗಳು

• ಕ್ಯಾಮರಾ ಫೋಟೋ ತೆಗೆಯಲು ಪರವಾಗಿಲ್ಲ. ಕಡಿಮೆ ಬೆಳಕಿನ ಸಾಮರ್ಥ್ಯ ಇಲ್ಲ.
• ದೊಡ್ಡ ೫೦೦೦ ಎಂಎ ಎಚ್ ಬ್ಯಾಟರಿ
• ವೇಗದ ಪ್ರಾಸೆಸರ್
• ೫ಜಿ ಸೌಲಭ್ಯ
• ಎಲ್ಲ ಸೆನ್ಸರ್ ಗಳು ಇವೆ
• ಸ್ಟಿರಿಯೋ ಸ್ಪೀಕರ್ ಗಳಿವೆ
• ೩.೫ ಆಡಿಯೋ ಜ್ಯಾಕ್ ಇದೆ
• ಎಸ್ ಡಿ ಕಾರ್ಡ್ ಸಹ ಬಳಸಬಹುದು
• ಫಾಸ್ಟ್ ಚಾರ್ಜಿಂಗ್ ಇದೆ. ಒಂದು ಗಂಟೆಯಲ್ಲಿ ಚಾರ್ಜ್ ಆಗುತ್ತೆ.

ಕೊರತೆಗಳು

• ೪ಕೆ ವಿಡಿಯೋ ರೆಕಾರ್ಡಿಂಗ್ ಸಾಧ್ಯವಿಲ್ಲ. 
• ಆಪ್ಟಿಕಲ್ ಸ್ಟೆಬಿಲೈಜೇಶನ್ ಇಲ್ಲ.
• ಪರದೆ ಅಮೋಲ್ಡ್ ಅಲ್ಲ. ಆದರೂ ಪರದೆ ೯೦ ಹರ್ಟ್ಜ್ ರೆಫ್ರೆಶ್ ರೇಟ್ ಇದ್ದು ಡಿಸಿಐ-ಪಿ೩ ಬಣ್ಣಗಳನ್ನು ತೋರಿಸುವ ಸಾಮರ್ಥ್ಯ ಹೊಂದಿದೆ.
• ಟೆಲಿಫೋಟೋ ಹಾಗೂ ಮ್ಯಾಕ್ರೋ ಕ್ಯಾಮೆರಾ ಇಲ್ಲ.
• ಅಂಡ್ರಾಯಿಡ್ ೧೧ ಇದೆ ೧೨ ಇಲ್ಲ. ಆದರೆ ೧೨ರ ಅಪ್ ಡೇಟ್ ಬರಲಿದೆ.
• ಪ್ಲಾಸ್ಟಿಕ್ ಬಾಡಿ ಆದರೂ ಚೀಪ್ ಅನಿಸದು.

ರೇಟಿಂಗ್

ಮೇಲಿನ ಚಿತ್ರದಲ್ಲಿ ನಮ್ಮ ಪ್ರಕಾರ ಈ ಫೋನ್ ರೇಟಿಂಗ್ ಕಾಣ ಬಹುದು. ಪರದೆ ಅಮೋಲ್ಡ್ ಇದ್ದರೆ ಇನ್ನೂ ಚೆನ್ನಾಗಿರುತ್ತಿತ್ತು. 

ಕ್ಯಾಮೆರಾ ಚಲಿಸುತ್ತಿರುವ ವಸ್ತು ಸೆರೆ ಹಿಡಿಯುವಾಗ ಸ್ವಲ್ಪ ಬ್ಲರ್ ಆಗುವ ಸಾಧ್ಯತೆ, ಕಡಿಮೆ ಬೆಳಕಲ್ಲಿ ಚಿತ್ರ ಹಿಡಿಯುವ ಸಾಮರ್ಥ್ಯ ಮುಂತಾದ ಕಡೆ ಇಂಪ್ರೂವ್ ಮೆಂಟ್ ಅಗತ್ಯ ಇದೆ. ಆದರೆ ಸಾಮಾನ್ಯ ಬಳಕೆಗೆ ಈ ಬಜೆಟ್ ಅಲ್ಲಿ ಉತ್ತಮ ಕ್ಯಾಮರಾ ಅನ್ನ ಬಹುದು.

ಗೇಮಿಂಗ್ ಆಡಲು ಯಾವುದೇ ಸಮಸ್ಯೆ ಇಲ್ಲ. ಆದರೆ ಅತ್ಯುತ್ತಮ ಗೇಮಿಂಗ್ ಅನುಭವ ಹೈ ರಿಫ್ರೆಶ್ ರೇಟ್ ಅಲ್ಲಿ ಆಡಲು ಸ್ಮಾರ್ಟ್ ಫೋನ್ ನೀವು ಹುಡುಕುತ್ತಿದ್ದರೆ ಇದು ಸೂಕ್ತ ಅಲ್ಲ.

ಸಾಧಾರಣ ಕಡಿಮೆ ಬೆಳಕಲ್ಲಿ ಫೋಟೋ ತೆಗೆಯುವ ಸಾಮರ್ಥ್ಯ, ೪ಕೆ ವಿಡಿಯೋ ರೆಕಾರ್ಡಿಂಗ್ ಇಲ್ಲದಿರುವದರಿಂದ, ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಜೇಶನ್ ಇಲ್ಲ. ಆದ್ದರಿಂದ ನೀವು ವ್ಲಾಗ್ಗರ್ ಅಥವಾ ಕಂಟೆಂಟ್ ಕ್ರಿಯೆಟರ್ ಆಗಿದ್ದರೆ ಈ ಫೋನ್ ಸೂಕ್ತ ಅಲ್ಲ. ನೀವು ಬಿಗಿನರ್ ಆಗಿದ್ದರೆ ಪರವಾಗಿಲ್ಲ.

ಆದರೆ ದಿನ ಬಳಕೆಗೆ, ಸಾಮಾಜಿಕ ತಾಣ ಅಪ್ಲೋಡ್, ವಿಡಿಯೋ ಕಾಲ್ ಇತ್ಯಾದಿ ಬಳಕೆಗೆ ಈ ಫೋನ್ ಉತ್ತಮ.

ಕೊನೆಯ ಮಾತು

ಒಟ್ಟಿನಲ್ಲಿ ಪೋಕೋ ಎಂ4 ಪ್ರೋ 5G ಸ್ಮಾರ್ಟ್ ಫೋನ್ ಹಣಕ್ಕೆ ತಕ್ಕ ಮೌಲ್ಯ ನೀಡುವ ಉತ್ತಮ ಫೋನ್ ಎನ್ನ ಬಹುದು. ನಿಮ್ಮ ಬಜೆಟ್ 17 ಸಾವಿರದ ಒಳಗಿದ್ದರೆ ಈ ಫೋನ್ ಉತ್ತಮ. 

ಅಕಸ್ಮಾತ್ ಸ್ವಲ್ಪ ಬಜೆಟ್ ಜಾಸ್ತಿ ಮಾಡಿದರೆ ಈ ಕೆಳಗೆ ಕೆಲವು ಇನ್ನೂ ಉತ್ತಮ ಸೌಲಭ್ಯ ಇರುವ ಫೋನ್ ನೀಡಲಾಗಿದೆ.

ನೀವು ವ್ಲಾಗ್ಗರ್, ಕಂಟೆಂಟ್ ಕ್ರಿಯೇಟರ್ ಆಗಿದ್ದರೆ ಈ ಫೋನ್ ಸೂಕ್ತ ಅಲ್ಲ. ಏಕೆಂದರೆ ೪ಕೆ ವಿಡಿಯೋ ರೆಕಾರ್ಡಿಂಗ್ ಸೌಲಭ್ಯ ಇಲ್ಲ.

ಫೆಬ್ರವರಿ ೨೧ ೨೦೨೨ ರಿಂದ ಶಿಯೋಮಿ ಅವರದ್ದೇ ಆದ ರೆಡ್ಮಿ ನೋಟ್ ೧೧ಎಸ್ ಕೂಡಾ ಮಾರುಕಟ್ಟೆಯಲ್ಲಿ ಲಭ್ಯವಿರಲಿದೆ. ಅಲ್ಲಿ ಅಮೋಲ್ಡ್ ಡಿಸ್ಪ್ಲೇ ಹಾಗೂ ೧೦೮ ಮೆಗಾ ಪಿಕ್ಸೆಲ್ ಕ್ಯಾಮೆರಾ ಇದೆ. ಅಂಡ್ರಾಯಿಡ್ ೧೧ ಆಧಾರಿತ ಎಂಐ ಯುಐ 13 ಆಪರೇಟಿಂಗ್ ಸಿಸ್ಟೆಮ್ ಇದೆ. ಅದೂ ಕೂಡಾ ಹೆಚ್ಚು ಕಡಿಮೆ ಇದೇ ಬೆಲೆಗೆ ಸಿಗಲಿದೆ. ಆದರೆ ಗಮನದಲ್ಲಿರಲಿ ಅದು ೪ಜಿ ಫೋನ್. ಇನ್ನೂ ಎಲ್ಲೂ ೫ಜಿ ನೆಟ್ ವರ್ಕ್ ಸೌಲಭ್ಯವೇ ಇಲ್ಲ. ಬಂದರೂ ೪ಜಿ ಸೇವೆ ಇನ್ನೂ ಹಲವು ವರ್ಷ ಲಭ್ಯ ಇರಲಿದೆ. ಆದ್ದರಿಂದ ಅದೇನು ಸಮಸ್ಯೆ ಅಲ್ಲ.

ನಿಮ್ಮ ಬಜೆಟ್ 25 ಸಾವಿರದ ವರೆಗೆ ಇದ್ದರೆ ನೀವು ಸ್ಯಾಮ್ ಸಂಗ್ ಎಂ52 ೫ಜಿ ಕಡೆ ಒಮ್ಮೆ ನೋಡಿ. ಅದರಲ್ಲಿ ಇನ್ನೂ ವೇಗದ ಸ್ನ್ಯಾಪ್ ಡ್ರಾಗನ್ 778ಜಿ ಪ್ರಾಸೆಸರ್, ೧೨೦ಹರ್ಟ್ಜ್ ನ ಸೂಪರ್ ಅಮೋಲ್ಡ್ ತೆರೆ, 64ಮೆಗಾ ಪಿಕ್ಸೆಲ್ ಮುಖ್ಯ ಕ್ಯಾಮೆರಾ, 12ಎಂಪಿ 123 ಡಿಗ್ರೀ ವೈಡ್ ಕ್ಯಾಮೆರಾ, 5ಎಂಪಿ ಮ್ಯಾಕ್ರೋ ಕ್ಯಾಮೆರಾ ಹಿಂದೆ, 32ಮೆಗಾ ಪಿಕ್ಸೆಲ್ ಮುಂದೆ ಕ್ಯಾಮೆರಾ, 4ಕೆ ವಿಡಿಯೋ ರೆಕಾರ್ಡಿಂಗ್ ಹಿಂದಿನ ಕ್ಯಾಮೆರಾ ಮೂಲಕ ಎಲ್ಲ ಜಾಸ್ತಿ ಇದೆ. ಆದರೆ ಅದರಲ್ಲಿ 3.5 ಆಡಿಯೋ ಜ್ಯಾಕ್ ಇಲ್ಲ.

ನಿಮ್ಮ ಬಜೆಟ್ 40 ಸಾವಿರದ ಹತ್ತಿರ ಇದ್ದರೆ ಒನ್ ಪ್ಲಸ್ 9ಆರ್ ಟಿ 5ಜಿ ಕೂಡಾ ಒಮ್ಮೆ ನೋಡಿ. 30ಸಾವಿರ ಕ್ಕೆ ಒನ್ ಪ್ಲಸ್ ನೊರ್ಡ್ 2 5ಜಿ ಇದೆ. ನಿಮಗೆ ಕಾಸಿಗೆ ತಕ್ಕ ಕಜ್ಜಾಯ ಸಿಗುವದಂತೂ ಗ್ಯಾರಂಟಿ. 

ಇನ್ನು ಒನ್ ಪ್ಲಸ್ 9 ಪ್ರೋ 5ಜಿ  ಫ್ಲ್ಯಾಗ್ ಶಿಪ್ ಫೋನ್ ಸಹ ಇದೆ. ಇದೇ ಮಾರ್ಚ್ ಅಲ್ಲಿ ಒನ್ ಪ್ಲಸ್ 10 ಪ್ರೋ 5ಜಿ ಕೂಡಾ ಮಾರುಕಟ್ಟೆಗೆ ಬರಲಿದೆ. ಆಗ ಒನ್ ಪ್ಲಸ್ 9 ಪ್ರೋ 5ಜಿ ಬೆಲೆ ಕೂಡಾ ಕಡಿಮೆ ಆದರೂ ಆಶ್ಚರ್ಯ ಇಲ್ಲ.

ಅಕಸ್ಮಾತ್ ನಿಮಗೆ 5ಜಿ ಬೇಡ ಎಂದರೆ 4ಜಿ ಇರೋ ಫೋನ್ ಅನ್ನು ಕಡಿಮೆ ಬೆಲೆಗೆ ಸಹ ಖರೀದಿಸಬಹುದು. ಯಾಕೆಂದರೂ ಇನ್ನೂ ಭಾರತದಕ್ಕೆ ೫ಜಿ ಬಂದಿಲ್ಲ. ಅವುಗಳ ಬೆಲೆಯೂ ಜಾಸ್ತಿ. ಹಾಗೂ ಡ್ಯುಯಲ್ ಬ್ಯಾಂಡ್ ವೈಫೈ ಇರುವ ಫೋನ್ ಖರೀದಿಸಿದರೆ ವೈಫೈ ಅಲ್ಲೇ ಜಾಸ್ತಿ ವೇಗದ ಇಂಟರ್ನೆಟ್ ಪಡೆದುಕೊಳ್ಳಬಹುದು. ಪೋಕೊ ಎಂ೪ ಪ್ರೋ ಇದರ ೪ಜಿ ವರ್ಶನ್ ಕೂಡಾ ಮಾರುಕಟ್ಟೆಗೆ ಬರಲಿದೆ. ಅದು ಅಮೋಲ್ಡ್ ತೆರೆ ಹೊಂದಿರಲಿದೆ.

ಆದರೆ 17 ಸಾವಿರ ಬಜೆಟ್ ಮಿತಿಯಲ್ಲಿ ಪೋಕೋ ಉತ್ತಮ ಮಧ್ಯಮ ರೇಂಜಿನ ಫೋನ್ ಅನ್ನುವದರಲ್ಲಿ ಎರಡು ಮಾತಿಲ್ಲ. ಇದು ಗೇಮ್ ಆಡಲೂ ಸಹ ಸೂಕ್ತ.

ನೀವು ಪೋಕೊ ಫೋನ್ ಬಳಸಿದ್ದೀರಾ? ನಿಮ್ಮ ಅನಿಸಿಕೆ ಏನು?

ಈ ಲೇಖನ ಹೇಗನಿಸಿತು? ಹೇಗೆ ಇನ್ನೂ ಇಂಪ್ರೂವ್ ಮಾಡಬಹುದು? ಕಮೆಂಟ್ ಹಾಕ್ತೀರಾ? ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.

ಭಾರತದಲ್ಲಿ ಬ್ಯಾನ್ ಮಾಡಲ್ಪಟ್ಟ ಇನ್ನೂ 54 ಚೈನೀಸ್ ಎಪ್ ಗಳು

 ಇನ್ನಷ್ಟು ಚೈನೀಸ್ ಎಪ್ ಗಳನ್ನು ಸುರಕ್ಷತೆ ಕಾರಣಕ್ಕಾಗಿ ಭಾರತ ಸರ್ಕಾರ ಬ್ಯಾನ್ ಮಾಡಿದೆ. ಅವುಗಳಲ್ಲಿ ಮುಖ್ಯವಾದದ್ದನ್ನು ನೋಡೋಣ.

ಒಟ್ಟೂ ೫೪ ಎಪ್ ಗಳನ್ನು ಬ್ಯಾನ್ ಮಾಡಲಾಗಿದೆ. ಇವನ್ನು ಗೂಗಲ್ ಹಾಗೂ ಎಪಲ್ ಸ್ಟೋರ್ ನಿಂದ ತೆಗೆಯಲಾಗುತ್ತಿದೆ.

ಚಿತ್ರಕೃಪೆ: ಗರೆನಾ

ಗರೆನಾ ಫ್ರೀ ಫೈರ್ - ಇಲ್ಲ್ಯುಮಿನೇಟ್ ಅನ್ನುವದು ಪಬ್ ಜಿ ತರಾನೇ ಭಾರತದಲ್ಲಿ ಜನಪ್ರಿಯ ಆಗಿದ್ದ ಗೇಮ್ ಎಪ್. ಅದು ಬ್ಯಾನ್ ಆಗಿದೆ. 

ಗರೆನಾ ಫ್ರೀ ಫೈರ್ ಭಾರತದಲ್ಲಿ ಪಬ್ ಜಿ ಬ್ಯಾನ್ ಆದಾಗಿನಿಂದ ಜನಪ್ರಿಯ ಆಗಿತ್ತು. ಅದರ ಮೇಲೆ ಪಬ್ ಜಿ ಯ ಥೀಮ್ ಕಾಪಿ ಮಾಡಿದ ಆಪಾದನೆ ಸಹ ಇದೆ.

ಈಗಾಗಲೇ ಪಬ್ ಜಿಯ ಭಾರತದ ವರ್ಶನ್ ಬ್ಯಾಟಲ್ ಗ್ರೌಂಡ್ಸ್ ಮೊಬೈಲ್ ಇಂಡಿಯಾ ಬಂದಿದೆ. ಗರೆನಾ ಫ್ರೀ ಫೈರ್ ಅಭಿಮಾನಿಗಳಿಗೆ ಅದೊಂದು ಉತ್ತಮ ಪರ್ಯಾಯ ಎಪ್.

ಇದಲ್ಲದೇ ಹಲವು ಇತರ ಎಪ್ ಬ್ಯಾನ್ ಆಗಿದ್ದು ಇವುಗಳಲ್ಲಿ ವಿಡಿಯೋ ಪ್ಲೇಯರ್, ಮ್ಯೂಸಿಕ್ ಪ್ಲೇಯರ್, ಸೆಲ್ಫಿ ಎಪ್, ಬಾರ್ ಕೋಡ್ ಸ್ಕ್ಯಾನರ್, ಗೇಮ್ ಗಳು ಹೀಗೆ ಹಲವು ರೀತಿಯ ಎಪ್ ಗಳಿವೆ.

ಗರೆನಾ ಫ್ರೀ ಫೈರ್ ಗೆ ಹೋಲಿಸಿದರೆ ಉಳಿದ ಎಪ್ ಗಳು ಅಷ್ಟೇನು ಜನಪ್ರಿಯ ಎಪ್ ಆಗಿರಲಿಲ್ಲ.

ಬ್ಯಾನ್ ಆದ 54 ಎಪ್ ಪಟ್ಟಿ ಕೆಳಗಿದೆ. ನೀವು ಯಾವುದಾದರೂ ಎಪ್ ಬಳಸುತ್ತಿದ್ರಾ? ನೋಡಿ.

1. ಬ್ಯೂಟಿ ಕ್ಯಾಮೆರಾ: ಸ್ವೀಟ್ ಸೆಲ್ಫಿ ಎಚ್ಡಿ
2. ಬ್ಯೂಟಿ ಕ್ಯಾಮೆರಾ - ಸೆಲ್ಫಿ ಕ್ಯಾಮೆರಾ
3. ಇಕ್ವೆಲೈಜರ್ - Bass Booster & Volume EQ & Virtualizer 
4. ಮ್ಯೂಸಿಕ್ ಪ್ಲೇಯರ್ - ಮ್ಯೂಸಿಕ್, MP3 ಪ್ಲೇಯರ್
5. ಇಕ್ವೆಲೈಜರ್ & Bass Booster - ಮ್ಯೂಸಿಕ್ Volume EQ
6. ಮ್ಯೂಸಿಕ್ Plus - MP3 ಪ್ಲೇಯರ್
7. ಇಕ್ವೆಲೈಜರ್ Pro - Volume Booster & Bass Booster
8. ವಿಡಿಯೋ ಪ್ಲೇಯರ್ - Media All Format
9. ಮ್ಯೂಸಿಕ್ ಪ್ಲೇಯರ್ - ಇಕ್ವೆಲೈಜರ್ & MP3
10. Volume Booster - Loud Speaker & Sound Booster
11. ಮ್ಯೂಸಿಕ್ ಪ್ಲೇಯರ್ - MP3 ಪ್ಲೇಯರ್
12. CamCard for SalesForce Ent
13. Isoland 2: Ashes of Time Lite
14. Rise of Kingdoms: Lost Crusade
15. APUS Security HD (Pad Version)
16. Parallel Space Lite 32 Support
17. ವಿವಾ ವಿಡಿಯೋ ಎಡಿಟರ್ - ಸ್ನ್ಯಾಕ್ ವಿಡಿಯೋ ಮೇಕರ್ ವಿತ್ ಮ್ಯೂಸಿಕ್
18. ನೈಸ್ ವಿಡಿಯೋ ಬೈದು
19. Tencent Xriver
20. ಒನ್ ಮಯೋಜಿ ಚೆಸ್
21. ಒನ್ ಮಯೋಜಿ ಎರೆನಾ
22. ಎಪ್ ಲಾಕ್
23. ಡ್ಯುಯಲ್ ಸ್ಪೇಸ್ Lite - Multiple Accounts & Clone ಎಪ್
24. ಡ್ಯುಯಲ್ ಸ್ಪೇಸ್ Pro - Multiple Accounts & ಎಪ್ Cloner
25. ಡ್ಯುಯಲ್ ಸ್ಪೇಸ್ Lite - 32Bit ಸಪೋರ್ಟ್
26. ಡ್ಯುಯಲ್ ಸ್ಪೇಸ್ - 32Bit ಸಪೋರ್ಟ್
27. ಡ್ಯುಯಲ್ ಸ್ಪೇಸ್ - 64Bit ಸಪೋರ್ಟ್
28. ಡ್ಯುಯಲ್ ಸ್ಪೇಸ್ Pro - 32Bit ಸಪೋರ್ಟ್ 
29. Conquer Online - MMORPG ಗೇಮ್
30. Conquer Online II
31. ಲೈವ್ ವೆದರ್ & ರಾಡಾರ್ - ಅಲರ್ಟ್ಸ್
32. Notes - Colour Notepad, Notebook
33. MP3 Cutter - Ringtone Maker & Audio Cutter
34. Voice Recorder & Voice Changer
35. Barcode Scanner - QR Code Scan
36. Lica Cam - Selfie camera ಎಪ್
37. EVE Echoes
38. ಅಸ್ಟ್ರಾಕ್ರಾಫ್ಟ್
39. UU ಗೇಮ್ Booster-network solution for high ping
40. Extraordinary Ones
41. ಬ್ಯಾಡ್ ಲ್ಯಾಂಡರ್ಸ್
42. Stick Fight: The ಗೇಮ್ Mobile
43. Twilight Pioneers
44. CuteU: Match with the World
45. SmallWorld-Enjoy group chat and ವಿಡಿಯೋ chat
46. ಕ್ಯೂಟ್ ಯು ಪ್ರೋ
47. FancyU - ವಿಡಿಯೋ Chat & Meetup
48. RealU: Go Live, Make Friends
49. MoonChat:ಎಂಜಾಯ್ ವಿಡಿಯೋ ಚ್ಯಾಟ್ಸ್
50. RealU Lite - ವಿಡಿಯೋ to live!
51. ವಿಂಕ್: ಕನೆಕ್ಟ್ ನೌ
52. FunChat Meet People Around You
53. FancyU pro - Instant Meetup through ವಿಡಿಯೋ chat!
54. ಗರೆನಾ ಫ್ರೀ ಫೈರ್ - ಇಲ್ಲ್ಯುಮಿನೇಟ್

ಈ ಹೆಚ್ಚಿನ ಎಪ್ ಗಳು ಈಗಾಗಲೇ ಬ್ಯಾನ್ ಆಗಿದ್ದ ಎಪ್ ಗಳ ಹೊಸ ಅವತಾರ ಎನ್ನಲಾಗಿದೆ.

ಈ ಹಿಂದೆ ಟಿಕ್ ಟಾಕ್, ವಿ ಚ್ಯಾಟ್, ಪಬ್ಜಿ, ಅಲಿ ಎಕ್ಸ್ ಪ್ರೆಸ್, ಕ್ಲಬ್ ಫ್ಯಾಕ್ಟರಿ, ಸ್ನ್ಯಾಕ್ ವಿಡಿಯೋ ಹೀಗೆ ಹಲವು ಚೈನೀಸ್ ಎಪ್ ಗಳನ್ನು ಸುರಕ್ಷತೆಯ ಕಾರಣಕ್ಕೆ 2020ರಲ್ಲಿ ಬ್ಯಾನ್ ಮಾಡಲಾಗಿದೆ. 

ಈ ಲೇಖನ ಹೇಗನಿಸಿತು? ಹೇಗೆ ಇನ್ನೂ ಇಂಪ್ರೂವ್ ಮಾಡಬಹುದು? ಕಮೆಂಟ್ ಹಾಕ್ತೀರಾ? ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.

ಗೂಗಲ್ ಈಗ ಟಾಪ್ ವೆಬ್ ಸೈಟ್ ಅಲ್ಲ. 2021ರ ಹೊಸ ಟಾಪ್ ತಾಣ ಯಾವುದು ಗೊತ್ತಾ?

 ತಂತ್ರಜ್ಞಾನ ಲೋಕವೇ ಹೀಗೆ. ಅಲ್ಲಿ ಬದಲಾವಣೆ ಎಂಬುದು ನಿರಂತರ. ಸ್ಪರ್ಧೆ ಕೂಡಾ ಜಾಸ್ತಿ. ಅಂತರ್ಜಾಲದ ರೂಪು ರೇಷೆಯನ್ನು ಬದಲಿಸಿದ್ದು ಗೂಗಲ್ ಎಂಬುದಕ್ಕೆ ಎರಡು ಮಾತಿಲ್ಲ. 

ಇಡೀ ಅಂತರ್ಜಾಲದ ನೂರಾರು ಕೋಟಿ ತಾಣ, ಬ್ಲಾಗ್ ಎಲ್ಲ ಇಂಡೆಕ್ಸ್ ಮಾಡಿ ಹುಡುಕಾಟ ಸುಲಭ ಗೊಳಿಸಿದ್ದು ಗೂಗಲ್. ಹಾಗೆ ನೋಡಿದರೆ ಗೂಗಲ್ ಗಿಂತ ಮುಂಚೆ ಹಲವು ಸರ್ಚ್ ಇಂಜಿನ್ ಇದ್ದವು. ಆದರೆ ಅದರ ಹೊಸ ಪರಿಕಲ್ಪನೆ ಅದನ್ನು ವಿಶ್ವ ವಿಖ್ಯಾತ ಮಾಡಿತು.

ಗೂಗಲ್ ನಂತರ ಮ್ಯಾಪ್, ಟ್ರಾನ್ಸ್ಲೇಟ್, ನ್ಯೂಸ್, ಅಂಡ್ರಾಯಿಡ್, ಡೊಕ್ಸ್ ಹೀಗೆ ಹಲವು ಸೇವೆ ಆರಂಭಿಸಿತು.

2020ರಲ್ಲಿ ಕ್ಲೌಡ್ ಫ್ಲೇರ್ ಟ್ರಾಫಿಕ್ ವಿಶ್ಲೇಷಣೆ ಪ್ರಕಾರ ಗೂಗಲ್.ಕಾಂ (ಸರ್ಚ್, ಮ್ಯಾಪ್, ಟ್ರಾನ್ಸ್ಲೇಟ್, ನ್ಯೂಸ್ ಹೀಗೆ ಎಲ್ಲ ಸೇವೆ ಸೇರಿ) ನಂ. 1 ತಾಣ ಆಗಿತ್ತು.

ಆದರೆ ಕ್ಲೌಡ್ ಫ್ಲೇರ್ ಪ್ರಕಾರ 2021ರ ಪಟ್ಟಿ ಪ್ರಕಾರ ಈಗ ಟಾಪ್ ವೆಬ್ ಸೈಟ್ ಬೇರೆ ಆಗಿದೆ. ಯಾವುದು ಅದು?

೨೦೨೧ರ ಟಾಪ್ ವೆಬ್ ಸೈಟ್ ಯಾವುದು?

ಕ್ಲೌಡ್ ಫ್ಲೇರ್ ಎಂಬ ತಾಣ ಟಾಪ್ ವೆಬ್ ಸೈಟ್ ಪಟ್ಟಿ ಅನ್ನು ತಾಣಕ್ಕೆ ಬರುತ್ತಿರುವ ಇಂಟರ್ನೆಟ್ ಟ್ರಾಫಿಕ್ ಆಧಾರದ ಮೇಲೆ ಪ್ರಕಟಿಸುತ್ತಿದೆ. 2020ರಲ್ಲಿ ಗೂಗಲ್.ಕಾಂ ನಂ 1. ಹಾಗೂ ಫೇಸ್ ಬುಕ್ ನಂ. 2 ಆಗಿತ್ತು. 

2021ರಲ್ಲಿ ನಿಧಾನವಾಗಿ ಆ ನಂ. ಸ್ಥಾನವನ್ನು ಟಿಕ್ ಟಾಕ್.ಕಾಂ ಮೇಲಕ್ಕೇರುತ್ತಾ ಬಂದು 2021ರ ಕೊನೆಯಲ್ಲಿ ಎಲ್ಲಾ ತಾಣಗಳನ್ನು ಹಿಂದಿಕ್ಕಿ ನಂ 1 ಸ್ಥಾನ ಪಡೆದು ಕೊಂಡಿದೆ.

2020ರಲ್ಲಿ ಟಿಕ್ ಟಾಕ್ ೭ನೇ ಸ್ಥಾನದಲ್ಲಿತ್ತು. 

2021ರಲ್ಲಿ ಟಿಕ್ ಟಾಕ್.ಕಾಂ ಟ್ರಾಫಿಕ್ ಪ್ರಕಾರ ನಂ. 1 ವೆಬ್ ತಾಣ ಆಗಿತ್ತು. 

ಈ ಎಪ್ ಅನ್ನು 2019ರ ಜೂನ್ ರಲ್ಲೇ ಭಾರತದಲ್ಲಿ ಬೇರೆ ಉಳಿದ ಹಲವು ಚೈನೀಸ್ ಎಪ್ ಜೊತೆ ಬ್ಯಾನ್ ಮಾಡಲಾಗಿದೆ. ಆದರೆ ಜಗತ್ತಿನ ಬೇರೆಡೆ ಅದರ ಜನಪ್ರಿಯತೆ ನಾಗಾಲೋಟದಿಂದ ಏರುತ್ತಿದೆ.

೨೦೨೧ರ ಟಾಪ್ ಟೆನ್ ವೆಬ್ ಸೈಟ್ ಪಟ್ಟಿ

ಕ್ಲೌಡ್ ಫ್ಲೇರ್ ತಾಣದ  ಸೆಪ್ಟಂಬರ್ ನಿಂದ ಡಿಸೆಂಬರ್ ತಿಂಗಳ ಟ್ರಾಫಿಕ್ ಟ್ರೆಂಡ್ ಪ್ರಕಾರ 2021ರ ಟಾಪ್ ಟೆನ್ ವೆಬ್ ಸೈಟ್ ಪಟ್ಟಿ ಕೆಳಗಿವೆ. ಯಾಕೆ ಸೆಪ್ಟೆಂಬರ್? ಕ್ಲೌಡ್ ಫ್ಲೇರ್ ಸೇವೆ ಆರಂಭವಾಗಿದ್ದೇ ಸೆಪ್ಟೆಂಬರ್ 2020ರ ಸುಮಾರಿಗೆ.

1. ಟಿಕ್ ಟಾಕ್.ಕಾಂ
2. ಗೂಗಲ್.ಕಾಂ
3. ಫೇಸ್ ಬುಕ್.ಕಾಂ
4. ಮೈಕ್ರೊಸಾಫ್ಟ್.ಕಾಂ
5. ಎಪಲ್.ಕಾಂ
6. ಅಮೇಜಾನ್.ಕಾಂ
7. ನೆಟ್ ಫ್ಲಿಕ್ಸ್.ಕಾಂ
8. ಯೂಟ್ಯೂಬ್.ಕಾಂ
9. ಟ್ವಿಟ್ಟರ್.ಕಾಂ
10. ವಾಟ್ಸ್ ಎಪ್.ಕಾಂ

ಕೊನೆಯ ಮಾತು

ಈಗಿನ ಟ್ರೆಂಡ್ ಬಗ್ಗೆ ತಿಳಿಯಲು ಈ ಟಾಪ್ ವೆಬ್ ಸೈಟ್ ಪಟ್ಟಿ ಸಹಾಯಕಾರಿ. ಇತ್ತೀಚೆಗೆ ಫೇಸ್ ಬುಕ್ ಕೂಡಾ ಎಕ್ಟಿವ್ ಬಳಕೆದಾರರ ಸಂಖ್ಯೆ ಚೂರು ಕಡಿಮೆ ಆದ ಬಗ್ಗೆ ತನ್ನ ಹೂಡಿಕೆದಾರರಿಗೆ ತಿಳಿಸಿದೆ.

ಟಿಕ್ ಟಾಕ್ ವಿಡಿಯೋ ಸೇವೆ ಎಲ್ಲ ಕಡೆ ಕ್ರೇಜ್ ಹಬ್ಬಿಸಿದೆ ಎಂದರೆ ಅತಿಶಯೋಕ್ತಿ ಅಲ್ಲ. ಆದರೆ ೨೦೨೨ರಲ್ಲಿ ನಂ ೧ ತಾಣ ಯಾವುದಾಗಲಿದೆ ಎಂಬ ಕುತೂಹಲ ಇದ್ದೇ ಇದೆ. ಕಾದು ನೋಡೋಣ.

ಈ ಲೇಖನ ಹೇಗನಿಸಿತು? ಹೇಗೆ ಇನ್ನೂ ಇಂಪ್ರೂವ್ ಮಾಡಬಹುದು? ಕಮೆಂಟ್ ಹಾಕ್ತೀರಾ? ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.

ಫೇಸ್ ಬುಕ್ ಸಕ್ರಿಯ ಬಳಕೆದಾರರು ಕಡಿಮೆ ಆಗಿದ್ದೇಕೆ?

ಅದು 2007ರ ಸಮಯ ಇರಬೇಕು.  ಆಗ ಒರ್ಕುಟ್ ಭಾರತ ಮತ್ತು ಬ್ರೆಜಿಲ್ ಅಲ್ಲಿ ಬಹು ಜನಪ್ರಿಯವಾಗಿತ್ತು. ಇನ್ನೊಂದು ಕಡೆ ಮೈಸ್ಪೇಸ್ ಎಂಬ ಸೋಶಿಯಲ್ ಮಿಡಿಯಾ ಅಮೇರಿಕಾದಲ್ಲಿ ಜನಪ್ರಿಯ ಆಗಿತ್ತು. ಫೇಸ್ ಬುಕ್ ಆಗಿನ್ನೂ ಪ್ರವರ್ಧಮಾನಕ್ಕೆ ಬರುತ್ತಿರುವ ಸಮಯ.

ಕ್ರಮೇಣ ಗೂಗಲ್ 2014ರ ಸುಮಾರಿಗೆ ಒರ್ಕುಟ್ ಅನ್ನು ಮುಚ್ಚುವ ಮಟ್ಟಿಗೆ ಫೇಸ್ ಬುಕ್ ಭಾರತದಲ್ಲಿ ಜನಪ್ರಿಯ ಆಯ್ತು. ಮೈಸ್ಪೇಸ್ ಮುಚ್ಚದಿದ್ದರೂ ಆರಕ್ಕೇಳಲಿಲ್ಲ. ಈಗಲೂ ಅದು ಒಂದು ತಾಣವಾಗಿ ಸಕ್ರಿಯ ಆಗಿದೆ.

ಈಗ ಫೇಸ್ ಬುಕ್ ಭಾರತದ ನಂಬರ್ ೧ ಸೋಷಿಯಲ್ ಮಿಡಿಯಾ ಎಪ್ ಅಂದರೆ ತಪ್ಪಿಲ್ಲ.

ಆದರೆ ಇತ್ತೀಚೆಗೆ ಫೇಸ್ ಬುಕ್ ಸಕ್ರಿಯ ಬಳಕೆದಾರರು ಅತಿ ಸ್ವಲ್ಪ ಪ್ರಮಾಣದಲ್ಲಿ ಪ್ರಪಂಚಾದ್ಯಂತ ಕಡಿಮೆ ಆಗಿದ್ದಾರೆ.  193 ಕೋಟಿಯಿಂದ 192.9 ಕೋಟಿ ಗೆ ಇಳಿದಿದೆ. ಇದು ಫೇಸ್ ಬುಕ್ ನ 17 ವರ್ಷದ ಇತಿಹಾಸದಲ್ಲಿ ಮೊಟ್ಟ ಮೊದಲು ಆಗಿರುವದು.

ಅಷ್ಟೇ ಅಲ್ಲ ಫೇಸ್ ಬುಕ್ ನ ಮಾತೃ ಕಂಪನಿಯಾದ ಮೆಟಾದ ಲಾಭ 1028 ಕೋಟಿ ಡಾಲರ್ ಡಿಸೆಂಬರ್ 2021 ಕಾಲುವರ್ಷ ದಲ್ಲಿ ಮಾಡಿದೆ. ಕಳೆದ ವರ್ಷದ ಡಿಸೆಂಬರ್ 2020 ರ ಕಾಲು ವರ್ಷದ ಲಾಭ 1121 ಕೋಟಿ ಡಾಲರ್ ಆಗಿತ್ತು. ಅಂದರೆ 8% ಲಾಭ ಕಡಿಮೆ ಆಗಿದೆ.

ಈ ಸುದ್ದಿ ಹೊರಬಂದದ್ದೇ ತಡ ಫೇಸ್ ಬುಕ್ ನ ಮಾತೃ ಕಂಪನಿಯಾದ ಮೆಟಾ ಶೇರ್ ನ ಬೆಲೆ ಸ್ಟಾಕ್ ಮಾರ್ಕೆಟ್ ಅಲ್ಲಿ 323 ಡಾಲರ್ ನಿಂದ 231 ಡಾಲರ್ ಗೆ ಫೆಬ್ರವರಿ ೪ ೨೦೨೨ ರಂದು ಡಮಾರ್ ಅಂತ ಬಿತ್ತು. ಅಂದರೆ ಸುಮಾರು 28% ಬಿತ್ತು.

ಹೀಗೆ ಆಗುತ್ತೆ ಅನ್ನುವ ಹಲವು ಸುಳಿವು ಮೊದಲಿನಿಂದ ಇತ್ತು. ಯಾಕೆಂದರೆ ಯಾವುದೇ ಪ್ರಾಡಕ್ಟ್ ಮಾರುಕಟ್ಟೆಯಲ್ಲಿ ಒಂದಲ್ಲ ಒಂದು ದಿನ ಸೆಚುರೇಶನ್ ಆಗಲೇ ಬೇಕು. ಅಷ್ಟೇ ಅಲ್ಲ ಎಪ್ರಿಲ್ ೨೦೨೧ರಲ್ಲಿ ಪ್ರಕಟವಾದ ರಿಸರ್ಚ್ ರಿಪೋರ್ಟ್ ಪ್ರಕಾರ ಅಮೇರಿಕಾದಲ್ಲಿ 30 ವರ್ಷಕ್ಕಿಂತ ಕಡಿಮೆಯ ವಯಸ್ಸಿನವರಲ್ಲಿ ಇನ್ಸ್ಟಾಗ್ರಾಂ, ಸ್ನ್ಯಾಪ್ ಚಾಟ್ ಹಾಗೂ ಟಿಕ್ ಟಾಕ್ ಜನಪ್ರಿಯ ಇರುವದು ಕಂಡು ಬಂದಿತ್ತು.

ಇನ್ಸ್ಟಾಗ್ರಾಂ, ವಾಟ್ಸ್ ಆಪ್ ಕೂಡಾ ಫೇಸ್ ಬುಕ್ ನ ಮಾತೃ ಕಂಪನಿ ಮೆಟಾ ದ್ದೇ!

ಭಾರತದಲ್ಲಿ ಇತ್ತೀಚೆಗೆ ಟೆಲೆಕಾಂ ದರ ಹೆಚ್ಚಿದ್ದು ಇದಕ್ಕೆ ಕಾರಣ ಎಂದು ಮೆಟಾ ಹೇಳಿದೆ. ಆದ್ರೆ ಅದರ ಜೊತೆ ಇನ್ನಿತರ ಕಾರಣಗಳು ಸಹ ಇವೆ. ಬನ್ನಿ ನೋಡೋಣ.

ನೆನಪಿಡಿ ಒಂದು ಹಂತದ ನಂತರ ಪ್ರಾಡಕ್ಟ್ ನ ಬೆಳವಣಿಗೆ ಅದು ಹೊಸ ಪೀಳಿಗೆಯನ್ನು ಎಷ್ಟು ಆಕರ್ಷಿಸುತ್ತಿದೆ ಎಂಬುದರ ಮೇಲೆ ಅವಲಂಬಿತವಾಗಿದೆ. ಇಂದು ಮಾರುಕಟ್ಟೆಯಲ್ಲಿ ಸೋಷಿಯಲ್ ಮಿಡಿಯಾ ಎಪ್ ಗಳ ದೊಡ್ಡ ಸಾಲೇ ಇದೆ. ಅಷ್ಟೇ ಅಲ್ಲ ಇತ್ತೀಚೆಗೆ ಹೊಸ ಪೀಳಿಗೆ ಸೋಷಿಯಲ್ ಮಿಡಿಯಾ ಅಷ್ಟೇ ಅಲ್ಲ ಬೇರೆ ಬೇರೆ ಕಡೆ ಕೂಡಾ ತಮ್ಮ ಅಮೂಲ್ಯ ಸಮಯ ಉಪಯೋಗಿಸುತ್ತಿದ್ದಾರೆ.

ಫೇಸ್ ಬುಕ್ ನ ಸಕ್ರಿಯ ಬಳಕೆದಾರರ ಸಂಖ್ಯೆ ಕಡಿಮೆ ಆಗಲು ಟೆಲಿಕಾಂ ದರದ ಹೆಚ್ಚಳದ ಜೊತೆಗೆ, ಈ ಮುಂದಿನ ಹಲವು ಕಾರಣಗಳಿವೆ.

ಕಾರಣ ೧: ಜನಪ್ರಿಯವಾಗುತ್ತಿರುವ ಬೇರೆ ಸೋಷಿಯಲ್ ಮಿಡಿಯಾ ಎಪ್ ಗಳು

ಚಿತ್ರಕೃಪೆ:  Franck ಇಂದ Unsplash

ಚಿಕ್ಕ ಚಿಕ್ಕ ವಿಡಿಯೋ ತೋರಿಸುವ ಟಿಕ್ ಟಾಕ್ ಸೋಷಿಯಲ್ ಮಿಡಿಯಾ ಎಪ್ ನ ಜನಪ್ರಿಯತೆ ಪ್ರಪಂಚಾದ್ಯಂತ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. 

ಯೂಟ್ಯೂಬ್ ಕೂಡಾ ಶೋರ್ಟ್ಸ್ ಹಾಗೂ ಫೇಸ್ ಬುಕ್ ಕೂಡಾ ರೀಲ್ಸ್ ಎಂಬ ಫೀಚರ್ ಬಿಡುಗಡೆ ಮಾಡಿವೆ. ಭಾರತದಲ್ಲಿ ಟಿಕ್ ಟಾಕ್ ಬ್ಯಾನ್ ಆಗಿದೆ ನಿಜ. ಆದರೆ ಬೇರೆ ದೇಶಗಳಲ್ಲಿ ಅದರ ಜನಪ್ರಿಯತೆ ಹೆಚ್ಚುತ್ತಿದೆ. ಇನ್ಸ್ಟಾಗ್ರಾಂ ರೀಲ್ಸ್ ಕೂಡಾ ಜನಪ್ರಿಯ ಆಗುತ್ತಿದೆ.

ಭಾರತದಲ್ಲಿ ಟಿಕ್ ಟಾಕ್ ಹೋಲುವ ಟಕಾ ಟಕ್, ಜೋಶ್, ಮೋಜ್ ಹೀಗೆ ಹಲವು ಎಪ್ ಗಳಿದ್ದು ಅವೂ ಕೂಡಾ ಚಿಕ್ಕ ಚಿಕ್ಕ ಪಾಲನ್ನು ಹೊಂದಿವೆ. ಆದರೆ ಇಂತಹ ಯಾವ ಎಪ್ ಕೂಡಾ ಫೇಸ್ ಬುಕ್, ಇನ್ಸ್ಟಾಗ್ರಾಂ ಅಥವಾ ಯೂಟ್ಯೂಬ್ ತರಹ ಸಿಂಹ ಪಾಲು ಹೊಂದಿಲ್ಲ.

ಇನ್ನು ಸ್ನ್ಯಾಪ್ ಚ್ಯಾಟ್, ಟೆಲಿಗ್ರಾಂ, ಟ್ವಿಟ್ಟರ್ ಹೀಗೆ ಹಲವು ಸೋಶಿಯಲ್ ಮಿಡಿಯಾ ಎಪ್ ಗಳು ಮಾರುಕಟ್ಟೆಯಲ್ಲಿವೆ.

ಮುಂಚೆ ಜನರ ಕ್ವಾಲಿಟಿ ಟೈಮ್ ಪೂರ್ತಿ ಫೇಸ್ ಬುಕ್ ಗೆ ಸೀಮಿತ ಆಗಿತ್ತು. ಇಂದು ಹಂಚಿ ಹೋಗಿದೆ. ಈ ಹಿಂದೆ ಸೋಷಿಯಲ್ ಮಿಡಿಯಾ ಎಪ್ ಅನ್ನು ಜನ ತಮ್ಮ ಸ್ನೇಹಿತರೊಂದಿಗೆ ತಮ್ಮ ಕಥೆ ಹಂಚಲು ಬಳಸುತ್ತಿದ್ದರು. ಈಗ ಅದು ಕಡಿಮೆ ಆಗುತ್ತಿದೆ. ಈಗ ಚಿಕ್ಕ ಚಿಕ್ಕ ವಿಡಿಯೋ ನೋಡಲು ಜಾಸ್ತಿ ಬಳಕೆ ಮಾಡಲಾರಂಭಿಸಿದ್ದಾರೆ.

ವಾಟ್ಸ್ ಎಪ್, ಇನ್ಸ್ಟಾಗ್ರಾಂ ಈಗ ಜಾಸ್ತಿ ವೈಯಕ್ತಿಕ ಚಿತ್ರ ಹಂಚಿಕೆಗೆ ಬಳಕೆ ಆಗುತ್ತಿದೆ.

ಇದೂ ಕೂಡಾ ಫೇಸ್ ಬುಕ್ ಬಳಕೆ ಕಡಿಮೆ ಆಗಲು ಕಾರಣ.

ಕಾರಣ ೨: ಒಟಿಟಿ ಎಪ್ ಗಳು

ಚಿತ್ರಕೃಪೆ: Souvik Banerjee ಇಂದ Pixabay 

ಇಂದು ಯುವಕರಲ್ಲಿ ಒಟಿಟಿ ಎಪ್ ಗಳು ಹೆಚ್ಚು ಜನಪ್ರಿಯವಾಗುತ್ತಿವೆ. ಸಿನಿಮಾ, ಧಾರಾವಾಹಿಗಳು, ವೆಬ್ ಸಿರೀಸ್ ಗಳನ್ನು ನೋಡಲು ಯುವಜನರು ಇಚ್ಚಿಸುತ್ತಾರೆ. 

ಅದರಲ್ಲೂ ಕೊರೊನಾ ಸಮಯದಲ್ಲಿ ಈ ಒಟಿಟಿಗಳು ಕೇಬಲ್, ಡಿಟಿಎಚ್ ಗೆ ಸ್ಪರ್ಧೆ ನೀಡುವ ಮಟ್ಟಿಗೆ ಬೆಳೆಯುತ್ತಿವೆ.

ನೆಟ್ ಫ್ಲಿಕ್ಸ್, ಡಿಸ್ನಿ ಹಾಟ್ ಸ್ಟಾರ್, ಸೋನಿ ಲಿವ್, ಝೀ, ಸನ್ ನೆಕ್ಸ್ಟ್, ಎಂ ಎಕ್ಸ್, ಹೋಚಾಯಿ ಹೀಗೆ ಇವುಗಳ ಪಟ್ಟಿ ಬೆಳೆಯುತ್ತದೆ.

ಇವುಗಳಲ್ಲಿ ಯುವಜನತೆಯನ್ನು ಆಕರ್ಷಿಸುವ ಹೊಸ ಹೊಸ ಸಿನಿಮಾಗಳು, ಕಿರು ಚಿತ್ರಗಳು ದಂಡಿ ದಂಡಿಯಾಗಿವೆ. ಅದೂ ತೀರಾ ಒರ್ಗನೈಜ್ಡ್ ಆಗಿ. ಬಿಂಜ್ ವಾಚ್ ಮಾಡುತ್ತಾ ಕುಳಿತರೆ ಕಾಲಹರಣ ಆಗಿದ್ದೇ ಗೊತ್ತಾಗದು.

ಇದೂ ಕೂಡಾ ಫೇಸ್ ಬುಕ್ ಅಲ್ಲಿ ಜನ ಸಮಯ ಕಳೆಯುವದನ್ನು ಕಡಿಮೆ ಮಾಡುತ್ತಿದೆ.

ಕಾರಣ ೩: ಎಪಲ್ ನ ಕಠಿಣ ನಿಯಮಗಳು

 ಚಿತ್ರಕೃಪೆ:  Laurenz Heymann ಇಂದ Unsplash

ಇತ್ತೀಚೆಗೆ ಎಪಲ್ ತನ್ನ ಗೌಪ್ಯತಾ ನಿಯಮವನ್ನು ಇನ್ನಷ್ಟು ಬಿಗಿಗೊಳಿಸಿದ್ದು ಬಳಕೆದಾರರ ಮಾಹಿತಿಯನ್ನು, ಏನನ್ನು ನೋಡುತ್ತಾರೆ ಎಂಬ ಮಾಹಿತಿಯನ್ನು  ಬಳಸದಂತೆ ಅಪ್ಪಣೆ ಮಾಡಿದೆ. 

ಇದು ಫೇಸ್ ಬುಕ್ ಬಳಕೆದಾರರ ಆಸಕ್ತಿಯನ್ನು ಪತ್ತೆ ಮಾಡಿ ಜಾಹೀರಾತು ಹಾಗೂ ಕಂಟೆಂಟ್ ಸರ್ವ್ ಮಾಡುವದನ್ನು ಕಷ್ಟಕರ ಗೊಳಿಸುತ್ತದೆ. ಇದೂ ಒಂದು ಕಾರಣ ಇರಬಹುದು.

ಕಾರಣ ೪: ವ್ಲಾಗ್ಗಿಂಗ್ ಟ್ರೆಂಡ್

 ಚಿತ್ರಕೃಪೆ:  Tarun Savvy ಇಂದ Unsplash

ಇಂದು ವ್ಲಾಗ್ಗಿಂಗ್ ಎನ್ನುವದು ಇಡೀ ಪ್ರಪಂಚದಲ್ಲಿ ಅಪ್ ಟ್ರೆಂಡ್ ಅಲ್ಲಿದೆ. 

ಫೇಸ್ ಬುಕ್ ರೀಲ್ಸ್ ಎಂಬ ಚಿಕ್ಕ ವಿಡಿಯೋ ಫೀಚರ್ ನೀಡಿದೆ ನಿಜ. ಆದರೆ ಯೂಟ್ಯೂಬ್, ಇನ್ಸ್ಟಾಗ್ರಾಂ ಹಾಗೂ ಟಿಕ್ ಟಾಕ್ ಇವು ವ್ಲಾಗ್ಗಿಂಗ್ ಗೆ ಹೆಚ್ಚು ಬಳಕೆ ಆಗುತ್ತಿವೆ. ಫೇಸ್ ಬುಕ್ ಅಲ್ಲಿ ಫೀಚರ್ ಅನ್ನು ಸ್ವಲ್ಪ ಬದಲಾಯಿಸಿದರೆ ಯಾರಿಗೆ ಗೊತ್ತು ಕ್ಲಿಕ್ ಆಗಿ ಬಿಡಬಹುದು.

ಕಾರಣ ೫: ಮುಗಿಯುತ್ತಿರುವ ಕೊರೊನಾ ಸಾಂಕ್ರಾಮಿಕ

 ಚಿತ್ರಕೃಪೆ:   Fusion Medical Animation ಇಂದ Unsplash

ಎರಡು ವರ್ಷದ ಹಿಂದೆ ಕೊರೊನಾ ಸಾಂಕ್ರಾಮಿಕ ಬಂದಾಗ ಇಡೀ ಪ್ರಪಂಚಾದ್ಯಂತ ಜನ ಮನೆಯಲ್ಲಿ ಜಾಸ್ತಿ ಉಳಿಯುವ ಹಾಗೆ ಆಯ್ತು. ಆಗ ಜನ ಆನ್ ಲೈನ್ ಬಳಕೆ ಜಾಸ್ತಿ ಆಗಿತ್ತು. 

ಈಗ ಕ್ರಮೇಣ ಮುಂಚಿನ ಸ್ಥಿತಿ ಬರುವ ಹಾಗಿದೆ. ಸಂಕ್ರಮಣ ಸಧ್ಯದಲ್ಲೇ ಕಡಿಮೆ ಆಗುವ ಲಕ್ಷಣಗಳಿವೆ. ಜನ ಕೆಲಸಕ್ಕೆ ಮರಳುತ್ತಿರುವ ಕಾರಣ ಆನ್ ಲೈನ್ ಇರುವದು ಕಡಿಮೆ ಆಗಿ ಫೇಸ್ ಬುಕ್ ಗೂ ಸಹ ಇದು ಪರಿಣಾಮ ಬೀರಿದೆ.

ಕಾರಣ ೬: ಏಕತಾನತೆ

ಜನ ಬದಲಾವಣೆ ಬಯಸುತ್ತಾರೆ. ಫೇಸ್ ಬುಕ್ ಒಂದೇ ಬಳಸಿ ಬಳಸಿ ಏಕತಾನತೆಯಿಂದ ಬೋರಾಗಿ ಬೇರೆ ಕಡೆ ಹೋಗಿರುವ ಸಾಧ್ಯತೆ ಇದೆ. ಆದರೆ ಫೇಸ್ ಬುಕ್ ಎಐ ಬಳಸುವದರಿಂದ ಜನರ ಅರಿತು ಬದಲಾಗುವ ಎಲ್ಲ ಶಕ್ತಿ ಫೇಸ್ ಬುಕ್ ಎಪ್ ಗೆ ಇದೆ.

ಇತ್ತೀಚೆಗೆ ಅಕ್ಷರ ಓದುವದಕ್ಕಿಂತ ಮನೋರಂಜನಾ / ಕಾಮಿಡಿ ವಿಡಿಯೋ ನೋಡುವದು ಜಾಸ್ತಿ. ಅದಕ್ಕೇ ಕೇವಲ ವಿಡಿಯೋ ಆಧಾರಿತ ಎಪ್ ಗಳು ಜನಪ್ರಿಯತೆ  ಜಾಸ್ತಿ ಆಗುತ್ತಿರುವದು.

ಕಾರಣ ೭: ದ್ವೇಷ ಪೂರಿತ, ಗುಪ್ತ ಅಜೆಂಡಾ ಇರುವ ಪೋಸ್ಟ್ ಗಳು

 ಚಿತ್ರಕೃಪೆ:   Andre Hunter ಇಂದ Unsplash

ಇಂದು ಫೇಸ್ ಬುಕ್ ಅನೇಕ ಜನರ ಹಿಡನ್ ಅಜೆಂಡಾ ಹಂಚುವ ತಾಣ ಆಗಿದೆ. ಜನರ ಮಧ್ಯೆ  ಜಾತಿ, ಮತ, ಭಾಷೆ, ಪಕ್ಷ ಹೀಗೆ ಹಲವು ಆಧಾರದ ಮೇಲೆ ವೈಮನಸ್ಸು ಮೂಡಿಸುವ ಪೋಸ್ಟ್ ಹಾಕುವ ಅಡ್ಡಾ ಆಗಿದೆ. 

ಇವೂ ಕೂಡಾ ಜನರು ಫೇಸ್ ಬುಕ್ ನಿಂದ ವಿಮುಖರಾಗಲು ಕಾರಣ ಇರಬಹುದು. ಇದನ್ನು ತಡೆಯಲು ಫೇಸ ಬುಕ್ ಕಠಿಣ ಕ್ರಮ ಕೈಗೊಳ್ಳುತ್ತಿದೆ. ಆದರೂ ಇದು ಸಾಲುತ್ತಿಲ್ಲ.

ಇನ್ನೊಂದು ವಿಷಯ ಏನೆಂದರೆ ಫೇಸ್ ಬುಕ್ ಅಲ್ಲಿ ಆರ್ಟಿಪಿಶಿಯಲ್ ಇಂಟೆಲಿಜೆನ್ಸ್ ಬಳಸಿ ನಿಮಗೆ ಏನು ಇಷ್ಟ ಇಲ್ಲವೋ ಅದನ್ನು ಅಡಗಿಸಿಡುವ ತಂತ್ರಜ್ಞಾನ ಇದೆ. ಆದ್ದರಿಂದ ಈ ಸಮಸ್ಯೆ ಎಲ್ಲರಿಗೂ ಇರಲಾರದು.

ಕೊನೆಯ ಮಾತು

 ಚಿತ್ರಕೃಪೆ:  Dima Solomin ಇಂದ Unsplash

ಫೇಸ್ ಬುಕ್ ಸೆಚುರೇಶನ್ ಹಂತ ತಲುಪಿದ ಹಾಗಿದೆ . ಕೇವಲ ಹೊಸ ಪರಿಕಲ್ಪನೆಯೊಂದೇ ಫೇಸ್ ಬುಕ್ ಅನ್ನು ಇನ್ನಷ್ಟು ಬೆಳೆಸ ಬಹುದು. ಈಗ ಕೇವಲ ಫೇಸ್ ಬುಕ್ ಬೆಳವಣಿಗೆ ಸ್ವಲ್ಪ ಕಡಿಮೆ ಆಗಿದೆ ಅಷ್ಟೇ. ಫೇಸ್ ಬುಕ್ ಖಂಡಿತ ಹಲವು ಬದಲಾವಣೆ ತಂದು ಇನ್ನಷ್ಟು ಹೊಸತನ ತರುವ ಸಾಧ್ಯತೆ ಇದೆ.

ಮುಂದಿನ ಪೀಳಿಗೆಯ ಆಸಕ್ತಿ ಗಮನದಲ್ಲಿಟ್ಟು ಬದಲಾವಣೆ ತಂದರೆ ಉತ್ತಮ.

ಈಗ ನೋಡಿದರೆ ಟಿಕ್ ಟಾಕ್, ಇನ್ಸ್ಟಾಗ್ರಾಂ ಹಾಗೂ ಯೂಟ್ಯೂಬ್ ಇವು ಮುಂದಿನ ಪೀಳಿಗೆಯ ಸೋಶಿಯಲ್ ಮಿಡಿಯಾ ಆಗುವ ಲಕ್ಷಣ ಕಾಣಿಸುತ್ತಿದೆ.

ಮೆಟಾವರ್ಸ್ ಎಂಬ ಹೊಸ ಪರಿಕಲ್ಪನೆಯ ಮೇಲೆ ಫೇಸ್ ಬುಕ್ ಸ್ಥಾಪಕ ಮಾರ್ಕ್ ಝುಕರ್ ಬರ್ಗ್ ಕೆಲಸ ಮಾಡುತ್ತಿದ್ದಾರೆ. ಅದಕ್ಕೆ ತಮ್ಮ ಕಂಪನಿಯ ಹೆಸರನ್ನು ಇತ್ತೀಚೆಗೆ ಮೆಟಾ ಎಂದು ಬದಲಾಯಿಸಿದ್ದಾರೆ.

ಮೆಟಾವರ್ಸ್ ವರ್ಚುವಲ್ ರಿಯಾಲಿಟಿ, ಹೋಲೋಗ್ರಾಂ ಪ್ರೊಜೆಕ್ಟರ್, ಟಚ್ ಸಿಮ್ಯುಲೇಶನ್ ಕೈ ಗವಸು ಇತ್ಯಾದಿ ಬಳಸಿ ಆಳವಾದ ಅನುಭೂತಿ ಕೊಡುವ ಸಾಧ್ಯತೆ ಇದೆ. ಅದೇನಾದ್ರೂ ಯಶಸ್ವಿಯಾದ್ರೆ ಫೇಸ್ ಬುಕ್ ನಾಗಾಲೋಟಕ್ಕೆ ಮಿತಿ ಇಲ್ಲ.

ಈ ಮೆಟಾವರ್ಸ ಪರಿಕಲ್ಪನೆಯ ಯಶಸ್ಸಿನ ಮೇಲೆ ಮೆಟಾ ಭವಿಷ್ಯ ಕೂಡಾ ನಿಂತಿದೆ. ಆದರೆ ಅದು ಕಾರ್ಯರೂಪಕ್ಕೆ ಬರಲು ಸಮಯ ಬೇಕು.

ಮಾರ್ಕ್ ಝುಕರ್ ಬರ್ಗ್ ಸುಮ್ಮನೆ ಕೈ ಕಟ್ಟಿ ಕೂರುವ ಜಾಯಮಾನದವರಲ್ಲ. ಆದ ಕಾರಣದಿಂದಲೇ ಕಳೆದ 17 ವರ್ಷಗಳಿಂದ ಫೇಸ್ ಬುಕ್ ಪ್ರಪಂಚದ ನಂ 1 ಸೋಷಿಯಲ್ ಮಾಧ್ಯಮ ಆಗಿರುವದು.

ಸ್ಮಾರ್ಟ್ ಫೋನ್ ಕ್ರಾಂತಿಯ ಸಂದರ್ಭ ದಲ್ಲೂ ಫೇಸ್ ಬುಕ್ ಚಾಲೆಂಜ್ ಎದುರಿಸಿ ಯಶಸ್ವಿಯಾಗಿದೆ. ಈಗಲೂ ಫೇಸ್ ಬುಕ್ ಗೆ ನಿಭಾಯಿಸುವ ಸಾಮರ್ಥ್ಯ ಇದೆ. ಸರಿಯಾಗಿ ಕಾರ್ಯಗತ ಗೊಳಿಸಿದರೆ ಅಸಾಧ್ಯದ ಮಾತಲ್ಲ.

ಇನ್ನೇನು ಆಗುತ್ತೆ ಎಲ್ಲ ಕಾಲವೇ ನಿರ್ಧರಿಸುತ್ತದೆ. ಕಾಲನ ಒಡಲಾಳದಲ್ಲಿರುವ ಈ ರಹಸ್ಯ ತಿಳಿಯಲು ಕಾಯದೇ ಬೇರೆ ವಿಧಿ ಇಲ್ಲ.

ನೀವು ಯಾವ ಯಾವ ಸೋಶಿಯಲ್ ಮಿಡಿಯಾ ಎಪ್ ಬಳಸುತ್ತೀರಿ?  ನಿಮಗೆ ಏನು ಕಾರಣ ಅನ್ನಿಸುತ್ತೆ? ಕಮೆಂಟ್ ಅಲ್ಲಿ ತಿಳಿಸಿ.

ಈ ಲೇಖನ ಹೇಗನಿಸಿತು? ಹೇಗೆ ಇನ್ನೂ ಇಂಪ್ರೂವ್ ಮಾಡಬಹುದು? ಕಮೆಂಟ್ ಹಾಕ್ತೀರಾ? ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.

ಶಾರ್ಕ್ ಟ್ಯಾಂಕ್ ಇಂಡಿಯಾ - ಪ್ರತಿ ಇಂಜಿನಿಯರ್ ನೋಡಲೇ ಬೇಕಾದ ಶೋ

 ಇಂದು ಪ್ರತಿ ಕಂಪ್ಯೂಟರ್ ಇಂಜಿನಿಯರ್ ಗೆ ಉದ್ಯಮ ಶೀಲತೆ ತುಂಬಾ ಮುಖ್ಯ. ಕೇವಲ ತಂತ್ರಜ್ಞಾನ ಕಲಿತು ಅದರಲ್ಲೇ ಸಾಧಿಸುತ್ತೇನೆಂದು ಹೊರಟರೆ ಅದುವೇ ನಿಮ್ಮ ಮಿತಿ ಆಗಿ ಬಿಡಬಹುದು. ಜೊತೆಗೆ ವ್ಯಾಪಾರಿ ಚಾಣಾಕ್ಷತೆಯನ್ನೂ ಸಹ ಸ್ವಲ್ಪ ರೂಢಿಸಿಕೊಳ್ಳುವದು ಉತ್ತಮ.

ಹೀಗೆ ವ್ಯಾಪಾರಿ ಜಾಣತನದ ಬಗ್ಗೆ ಪರಿಚಯ ಪಡೆಯಲು ಹಲವು ರೀತಿ ಇದೆ. ಒಂದು ನಾವೇ ತಪ್ಪು ಮಾಡಿ ಕಲಿಯುವದು. ಇನ್ನೊಂದು ಇನ್ನೊಬ್ಬರ ಅನುಭವದ ಮಾತುಗಳ ಮೂಲಕ. 

ಇತ್ತೀಚೆಗೆ ಪ್ರಸಾರ ಆದ ರಿಯಾಲಿಟಿ ಶೋ ಒಂದು ನಿಮಗೆ ಇಂತಹ ಅನುಭವದ ಮಾತುಗಳನ್ನು ಕೇಳಲು, ನೂರಾರು ಸ್ಟಾರ್ಟ್ ಅಪ್ ಐಡಿಯಾ ನೋಡಲು ಅನುವು ಮಾಡಿಕೊಡುತ್ತದೆ. ಆ ರಿಯಾಲಿಟಿ ಶೋ ಹೆಸರೇ ಶಾರ್ಕ್ ಟ್ಯಾಂಕ್ ಇಂಡಿಯಾ. 

ಕೆಲಸಕ್ಕೆ ಬಾರದ ಕೇವಲ ಬಯ್ಗುಳ, ಕಚ್ಚಾಟ ತೋರಿಸುವ ಹಲವು ರಿಯಾಲಿಟಿ ಶೋ ಇವೆ. ಆದರೆ ಕೌ ಬನೇಗಾ ಕರೋಡ್ ಪತಿ ಬಿಟ್ಟರೆ ಜ್ಞಾನ ಹೆಚ್ಚಿಸುವ ಒಂದಿಷ್ಟು ಕಲಿಯಲು, ತಿಳಿಯಲು ಅವಕಾಶ ಮಾಡಿ ಕೊಡುವ ರಿಯಾಲಿಟಿ ಶೋ ಅಂದರೆ ಶಾರ್ಕ್ ಟ್ಯಾಂಕ್ ಇಂಡಿಯಾ ಎಂದು ಹೇಳಬಹುದು.

{tocify} $title={ವಿಷಯ ಸೂಚಿ}

ಶಾರ್ಕ್ ಟ್ಯಾಂಕ್ ಇಂಡಿಯಾ ಅಲ್ಲಿ ಏನಿರುತ್ತೆ?

ಶಾರ್ಕ್ ಟ್ಯಾಂಕ್ ಇಂಡಿಯಾ

ಈ ರಿಯಾಲಿಟಿ ಶೋದಲ್ಲಿ ಒಂದು ಉದ್ಯಮದಲ್ಲಿ ಬಂಡವಾಳ ಹೂಡುವ ಇನ್ವೆಸ್ಟರ್ ಗಳು ತೀರ್ಪುಗಾರರ ರೀತಿ ಕೂತಿರುತ್ತಾರೆ. ಅವರನ್ನು ಶಾರ್ಕ್ ಎಂದು ಕರೆಯಲಾಗುತ್ತದೆ.

ಸ್ಟಾರ್ಟ್ ಅಪ್ ನಡೆಸುತ್ತಿರುವ ಚಿಕ್ಕ ಉದ್ಯಮಿಗಳು ಬಂದು ತಮ್ಮ ವ್ಯಾಪಾರಿ ಐಡಿಯಾ, ಬ್ರ್ಯಾಂಡ್ ಇತ್ಯಾದಿಗಳ ಬಗ್ಗೆ ಪ್ರಸಂಟೇಶನ್ ಮಾಡುತ್ತಾರೆ.

ಕುಳಿತಿರುವ ಶಾರ್ಕ್ ಗಳು ಅಂದರೆ ಪ್ರಖ್ಯಾತ ಉದ್ಯಮಿಗಳು ಆ ವ್ಯಾಪಾರಿ ಮಾಡೆಲ್ ಅಲ್ಲಿರುವ ದೋಷಗಳು, ಕೊರತೆ, ವ್ಯಾಲ್ಯೂವೇಶನ್ ಬಗ್ಗೆ ಪ್ರಾಮಾಣಿಕ ಕೆಲವೊಮ್ಮೆ ಕಠೋರ ಅನಿಸಿಕೆಯನ್ನು ಬಿಚ್ಚಿಡುತ್ತಾರೆ. ಸಲಹೆಗಳನ್ನೂ ನೀಡುತ್ತಾರೆ. 

ಬ್ಯುಸಿನೆಸ್ ಇಷ್ಟ ಆದರೆ ಬಂಡವಾಳ ಹೂಡುತ್ತಾರೆ ಕೂಡಾ!

ಕಂಪ್ಯೂಟರ್ ಇಂಜಿನಿಯರ್ ಗೆ ಹೇಗೆ ಉಪಯುಕ್ತ?

ಈ ಶಾರ್ಕ್ ಟ್ಯಾಂಕ್ ರಿಯಾಲಿಟಿ ಶೋ ಒಬ್ಬ ಕಂಪ್ಯೂಟರ್ ಇಂಜಿನಿಯರ್ ಗೆ ಹಲವು ರೀತಿಯಲ್ಲಿ ಉಪಯುಕ್ತ. ಹೇಗೆ ಬನ್ನಿ ನೋಡೋಣ. ಇಂಜಿನಿಯರಿಂಗ್ ಕಲಿತು ಮುಗಿದ ಮೇಲೆ ವಿದ್ಯಾರ್ಥಿಗೆ ಹಲವು ಆಯ್ಕೆಗಳಿರುತ್ತೆ.

• ಇನ್ನೂ ಮಾಸ್ಟರ್ ಡಿಗ್ರಿಯಂತಹ ಉನ್ನತ ಶಿಕ್ಷಣ ಮಾಡುವದು.

• ಯಾವುದಾದರೂ ಕಂಪನಿ ಸೇರಿ ಕೆಲಸ ಮಾಡುವದು.

• ಸ್ನೇಹಿತರ ಜೊತೆ ಸೇರಿ ತನ್ನದೇ ಸ್ಟಾರ್ಟ್ ಅಪ್ ಆರಂಭಿಸುವದು.

• ಫ್ರೀಲಾನ್ಸಿಂಗ್ ಕೆಲಸ ಮಾಡುವದು.

ಸ್ಟಾರ್ಟ್ ಅಪ್ ಅನ್ನುವದು ಕಷ್ಟಕರ ಕೆಲಸ ಆದರೂ ಇದರಲ್ಲಿ ಯಶಸ್ವಿ ಆದರೆ ಜೇಬು ತುಂಬಾ ಹಣವೋ ಹಣ! ಸ್ಟಾರ್ಟ್ ಅಪ್ ಯಶಸ್ಸಾದರೆ ನೀವೆ ನಿಮ್ಮ ಕಂಪನಿಯಲ್ಲಿ ಹಲವರಿಗೆ ಉದ್ಯೋಗ ನೀಡಬಹುದು.

ಆದರೆ ಸ್ಟಾರ್ಟ್ ಅಪ್ ಯಶಸ್ಸು ಮಾಡುವ ಕೆಲಸ ಇದೆಯಲ್ಲ. ಇದು ಸುಲಭದ ಕೆಲಸ ಅಲ್ಲ. ಒಂದು ಸರ್ವೇ ಪ್ರಕಾರ 90% ಸ್ಟಾರ್ಟ್ ಅಪ್ ಗಳು ಫೇಲ್ ಆಗುತ್ತವೆ. ಇದಕ್ಕೆ ಹಲವು ಕಾರಣಗಳಿವೆ. ಆದರೆ ಮುಖ್ಯ ಕಾರಣ ಮಾರುಕಟ್ಟೆಯ ನ್ನು ನಿಜವಾದ ಗ್ರಾಹಕರ ಅಗತ್ಯವನ್ನು ಅರಿಯದಿರುವದು ಹಾಗೂ ವ್ಯಾಪಾರಿ ಜಾಣತನದ ಕೊರತೆ.

ಆದರೆ ಉತ್ತಮ ವ್ಯಾಪಾರಿ ಐಡಿಯಾ, ಸರಿಯಾದ ಮಾರ್ಗದರ್ಶನ, ಸ್ಟ್ರೆಟಜಿ, ಪ್ರಾಮಾಣಿಕ ಪರಿಶ್ರಮ ಹಾಗೂ ಸರಿಯಾಗಿ ಕಾರ್ಯಗತ ಗೊಳಿಸಿದರೆ ನಿಮ್ಮ್ ಸ್ಟಾರ್ಟ್ ಅಪ್ ಯಶಸ್ಸಾಗಿ ಆ ೧೦% ಲಿಸ್ಟ ಅಲ್ಲಿರಬಹುದು.

ಒಂದು ಸ್ಟಾರ್ಟ್ ಅಪ್ ಯಶಸ್ಸಾಗಲು ಕೇವಲ ತಂತ್ರಜ್ಞಾನ ದ ಅರಿವು ಮಾತ್ರ ಅಲ್ಲ ಮಾರ್ಕೆಟಿಂಗ್, ಹೊಸ ಪರಿಕಲ್ಪನೆ, ಪ್ರಾಮಾಣಿಕ ಪ್ರಯತ್ನ, ಕಠಿಣ ಪರಿಶ್ರಮ, ಸರಿಯಾದ ರೀತಿಯಲ್ಲಿ ಹಣ ವ್ಯರ್ಥ ಮಾಡದೇ ಕಾರ್ಯಗತ (ಎಕ್ಸೆಕ್ಯೂಶನ್) ಮಾಡುವದು ಎಲ್ಲ ಅತಿ ಮುಖ್ಯ. 

ಅಷ್ಟೇ ಅಲ್ಲ ತನ್ನ ಐಡಿಯಾ ಅನ್ನು ಸಮರ್ಥವಾಗಿ ಬಂಡವಾಳ ಹೂಡಿಕೆ ಮಾಡುವವರ ಮುಂದೆ ವಿವರಿಸುವ ಅಗತ್ಯ ಕೂಡಾ ಇದೆ. ಬಂಡವಾಳ ಹೂಡಿಕೆ ಮಾಡುವವರಿಗೆ ನಿಮ್ಮ ಐಡಿಯಾದಲ್ಲಿ ದಮ್ ಇದೆ ಅನ್ನಿಸಿದರೆ ಮಾತ್ರ ತಮ್ಮ ಅಮೂಲ್ಯ ಹಣ, ಸಮಯ ನೀಡುತ್ತಾರೆ. ಇಲ್ಲದಿದ್ದರೆ ದೂರ ತಳ್ಳುತ್ತಾರೆ.

ಹೀಗೆ ಮಾಡಲು ಇಂಜಿನಿಯರ್ ಬಳಿ ಆ ಎಲ್ಲ ವಿಷಯದ ಬಗ್ಗೆ ಅರಿವು ಅಗತ್ಯ.

ಈ ಶಾರ್ಕ್ ಟ್ಯಾಂಕ್ ಇಂಡಿಯಾ ರಿಯಾಲಿಟಿ ಶೋ ನೋಡುವದರಿಂದ ಒಂದು ಪ್ರಸಂಟೇಶನ್ ಕೌಶಲ್ಯತೆಯ ಬಗ್ಗೆ ಐಡಿಯಾ ಬರುತ್ತೆ. ಅಷ್ಟೇ ಅಲ್ಲ ಉದ್ಯಮಿಗಳು ನೀಡುವ ಕಮೆಂಟ್ ಅಲ್ಲಿ ಅನುಭವದ ಮಾತುಗಳಿವೆ. ಇದು ಒಂದು ರೀತಿಯಲ್ಲಿ ಮನೋರಂಜನೆ ಕೊಡುವ ಜೊತೆಗೆ ಜ್ಞಾನವನ್ನೂ ಕೊಡುವ ಶೋ ಎನ್ನಬಹುದು.

ಶಾರ್ಕ್ ಟ್ಯಾಂಕ್ ಇಂಡಿಯಾ ಶೋ ಬಗ್ಗೆ

ಶಾರ್ಕ್ ಟ್ಯಾಂಕ್ ಎಂಬುದು ಮೂಲತಃ ಅಮೇರಿಕಾದ ವ್ಯಾಪಾರಿ ರಿಯಾಲಿಟಿ ಶೋ. 2009 ಇಸವಿಯಲ್ಲಿ ಆರಂಭ ಆಯ್ತು.

ಶಾರ್ಕ್ ಟ್ಯಾಂಕ್ ಇಂಡಿಯಾ ಎಂಬುದು ಹಿಂದಿ ರಿಯಾಲಿಟಿ ಶೋ ಆಗಿದ್ದು ಇದರ ಸೀಸನ್ 1 ಡಿಸೆಂಬರ್  ೨೦೨೧ - ಜನವರಿ ೨೦೨೨ ರ ಸಮಯದಲ್ಲಿ ಸೋನಿ ಟಿವಿಯಲ್ಲಿ ರಾತ್ರಿ 9 ರ ಪ್ರೈಮ್ ಟೈಮ್ ಅಲ್ಲಿ ಪ್ರಸಾರ ಆಯ್ತು. ಈ ಸೀಸನ್ ೧ ಅನ್ನು ಈಗ ಸೋನಿ ಲಿವ್ ಎಪ್ ಅಲ್ಲಿ ಹಾಗೂ ಯುಟ್ಯೂಬ್ ಅಲ್ಲಿ ಸಹ ನೋಡಬಹುದು.

ಶಾರ್ಕ್ ಟ್ಯಾಂಕ್ ಇಂಡಿಯಾದ ಸೀಸನ್ ೧ ರ ತೀರ್ಪುಗಾರರ ಪಟ್ಟಿ ಹೀಗಿದೆ.

• ಬೋಟ್ ಇಂಡಿಯಾದ ಸಹ ಸ್ಥಾಪಕ ಅಮಾನ್ ಗುಪ್ತಾ

• ಭಾರತ್ ಪೇ ಯ ಸಂಸ್ಥಾಪಕ ಹಾಗೂ ಸಿ ಇ ಓ ಅಶ್ನೀರ್ ಗ್ರೋವರ್

• ಶುಗರ್ ಕಾಸ್ಮೆಟಿಕ್ಸ್ ಸಿ ಇ ಓ ಹಾಗೂ ಸಹ ಸ್ಥಾಪಕ ವಿನೀತಾ ಸಿಂಘ್

• ಲೆನ್ಸ್ ಕಾರ್ಟ್ ನ ಸ್ಥಾಪಕ ಹಾಗೂ ಸಿ ಇ ಓ ಪಿಯೂಶ್ ಬನ್ಸಾಲ್

• ಎಮ್ ಕ್ಯೂರ್ ಫಾರ್ಮಾಸ್ಯೂಟಿಕಲ್ಸ್ ನ ನಿರ್ದೇಶಕಿ ನಮಿತಾ ಥಾಪರ್

• ಶಾದಿ.ಕಾಂ ನ ಸ್ಥಾಪಕ ಹಾಗೂ ಸಿ ಇ ಒ ಅನುಪಮ್ ಮಿಟ್ಟಲ್

• ಮಾಮಾ ಅರ್ಥ್ ನ ಸಹ ಸ್ಥಾಪಕಿ ಗಝಲ್ ಅಲಘ್

ಸುಮಾರು 62 ಸಾವಿರ ಸ್ಟಾರ್ಟ್ ಅಪ್ ಗಳ ಅರ್ಜಿಗಳಲ್ಲಿ 198 ಆಯ್ಕೆ ಮಾಡಿ ಶೋದಲ್ಲಿ ತೀರ್ಪುಗಾರರ ಜೊತೆ ಚರ್ಚೆ ಮಾಡುತ್ತಾರೆ. ಸುಮಾರು 47 ಕೋಟಿ ರೂ ಅನ್ನು ವಿವಿಧ ಸ್ಟಾರ್ಟ್ ಅಪ್ ಅಲ್ಲಿ ತೀರ್ಪುಗಾರರು ಹಣವನ್ನು ಈ ರಿಯಾಲಿಟಿ ಶೋದಲ್ಲಿ ಬಂಡವಾಳ ಹೂಡಿದ್ದಾರೆ.

ಶಾರ್ಕ್ ಟ್ಯಾಂಕ್ ಇಂಡಿಯಾ ಶೋ ಎಲ್ಲಿ ನೋಡಬಹುದು?

ಸೋನಿ ಲಿವ್ ಎಪ್ ಅಲ್ಲಿ ಅಥವಾ ಜಾಲ ತಾಣದಲ್ಲಿ ನೋಡಬಹುದು. ಸೋನಿ ಲಿವ್ ಜಾಲತಾಣದಲ್ಲಿ ಈಗಲೇ ನೋಡಲು ಇಲ್ಲಿ ಕ್ಲಿಕ್ ಮಾಡಿ.

ಯೂಟ್ಯೂಬ್ ಅಲ್ಲೂ ಕೂಡಾ ಈ ಶೋ ಅನ್ನು ಉಚಿತವಾಗಿ ನೋಡಬಹುದು. ಈಗಲೇ ಯೂಟ್ಯೂಬ್ ಅಲ್ಲಿ ನೋಡಲು ಇಲ್ಲಿ ಕ್ಲಿಕ್ ಮಾಡಿ.

ಅಕಸ್ಮಾತ್ ನೀವು ಇಂಗ್ಲೀಷ್ ಅಲ್ಲಿ ಬಂದಿರುವ ಎಪಿಸೋಡ್ ಯೂಟ್ಯೂಬ್ ಅಲ್ಲಿ ಉಚಿತವಾಗಿ ನೋಡಲು ಈ ಕೆಳಗಿನ ಲಿಂಕ್ ಗಳ ಕ್ಲಿಕ್ ಮಾಡಿ.

• ಶಾರ್ಕ್ ಟ್ಯಾಂಕ್ ಆಸ್ಟ್ರೇಲಿಯಾ

• ಶಾರ್ಕ್ ಟ್ಯಾಂಕ್ ಗ್ಲೋಬಲ್

• ಶಾರ್ಕ್ ಟ್ಯಾಂಕ್ ಅಮೇರಿಕಾ

• ಡ್ರ್ಯಾಗನ್ ಡೆನ್

• ಡ್ರ್ಯಾಗನ್ ಡೆನ್ ಐರ್ಲಾಂಡ್

ಕೊನೆಯ ಮಾತು

ನೀವು ಎಂಬಿಎ ಗ್ರಾಜುಯೇಟ್ ಆಗಿರಲಿ, ಇಂಜಿನಿಯರ್ ಆಗಿರಲಿ. ಅಥವಾ ರಸ್ತೆ ಬದಿ ವ್ಯಾಪಾರ ಮಾಡುವವರಾಗಲಿ. ಜಾಣತನ ಇರುವ ಉದ್ಯಮಶೀಲತೆ ನಿಮ್ಮನ್ನು ಇನ್ನೊಂದು ಮಟ್ಟಕ್ಕೆ ಒಯ್ಯಬಲ್ಲುದು.

ಶಾರ್ಕ್ ಟ್ಯಾಂಕ್ ರಿಯಾಲಿಟಿ ಶೋ ನಿಮಗೆ ಬೇರೆ ಸ್ಟಾರ್ಟ್ ಅಪ್ ಐಡಿಯಾಗಳು, ಯಶಸ್ವಿ ಉದ್ಯಮಿಗಳ ಯೋಚನಾ ಲಹರಿಯನ್ನು ತಿಳಿಯಲು ಅವಕಾಶ ಮಾಡಿ ಕೊಡುತ್ತದೆ. 

ನಿಮಗೆ ಬಿಡುವಿದ್ದಾಗ ಒಂದೆರಡು ಎಪಿಸೋಡ್ ನೋಡಿ ಇದು ನಿಮಗೇನಾದರೂ ಉಪಯುಕ್ತವೇ ಎಂದು ಪರಿಶೀಲಿಸಿ. ಇದರಿಂದ ಒಂದಿಷ್ಟು ಕಲಿಕೆ ಸಾಧ್ಯ ಎನ್ನಿಸಿದರೆ ತಡ ಯಾಕೆ ಎಲ್ಲ ಎಪಿಸೋಡ್ ನೋಡಿ.

ಈ ಲೇಖನ ಹೇಗನಿಸಿತು? ಹೇಗೆ ಇನ್ನೂ ಇಂಪ್ರೂವ್ ಮಾಡಬಹುದು? ಕಮೆಂಟ್ ಹಾಕ್ತೀರಾ? ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.

ಟಾಪ್ ನೋಟ್ ತೆಗೆಯುವ ಅಪ್ಲಿಕೇಶನ್ ಗಳು

ನೀವು ಒಬ್ಬ ಕಂಪ್ಯೂಟರ್ ಇಂಜಿನಿಯರ್, ಬಳಕೆದಾರ ಯಾರೇ ಆಗಲಿ. ನೋಟ್ಸ್ ಅಪ್ಲಿಕೇಶನ್ ಗಳು ನಿಮ್ಮ ಕಂಟೆಂಟ್, ಮಾಹಿತಿ, ರೀಸರ್ಚ್ ಕಂಟೆಂಟ್ ಅನ್ನು ದಾಖಲಿಸಿಟ್ಟು ಬೇಕಾದಾಗ ಅದನ್ನು ಬಳಸಲು ನಿಮ್ಮಗೆ ಸಹಾಯ ಮಾಡುತ್ತದೆ.

ನೀವು ವಿದ್ಯಾರ್ಥಿ ಆಗಿದ್ದರೆ ನಿಮ್ಮ ಪ್ರಾಜೆಕ್ಟ್ ರಿಪೋರ್ಟ್, ವಿಜ್ಞಾನಿ ಆಗಿದ್ದರೆ ನಿಮ್ಮ ರೀಸರ್ಚ್, ವ್ಲಾಗ್ಗರ್ ಆಗಿದ್ದರೆ ನಿಮ್ಮ ವಿಡಿಯೋ ಸ್ಕ್ರಿಪ್ಟ್, ಲೇಖಕ ಆಗಿದ್ದರೆ ಲೇಖನಗಳು ಹೀಗೆ ಎಲ್ಲವನ್ನು ಬರೆದು ಕ್ಲೌಡ್ ಅಲ್ಲಿ ಸುರಕ್ಷಿತವಾಗಿ ಇಡಬಹುದು.

ಟಾಪ್ ನೋಟ್ಸ್ ಬರೆಯುವ ಅಪ್ಲಿಕೇಶನ್ ಯಾವವು ನೋಡೋಣ ಬನ್ನಿ. 

{tocify} $title={ವಿಷಯ ಸೂಚಿ}

ಮಾರುಕಟ್ಟೆಯಲ್ಲಿ ಹಲವು ನೋಟ್ಸ್ ಅಪ್ಲಿಕೇಶನ್ ಲಭ್ಯವಿದೆ. ನಿಮ್ಮ ಸ್ಮಾರ್ಟ್ ಫೋನ್ ಕಂಪನಿ ಕೂಡಾ ಬೇಸಿಕ್ ಎಪ್ ನೀಡಿರುತ್ತೆ. ಯಾವ ಯಾವ ಡಿವೈಸ್ ಸಪೋರ್ಟ್ ಇದೆ? ಎಲ್ಲಾ ಡಿವೈಸ್ ಸಿಂಕ್ ಮಾಡಬಹುದಾ ಅನ್ನುವದು ಮುಖ್ಯವಾಗುತ್ತೆ. ಅಷ್ಟೇ ಅಲ್ಲ ನಿಮ್ಮ ನೋಟ್ಸ್ ಒರ್ಗಾನೈಜ್ ಮಾಡಲು ನೀಡಿರುವ ಫೀಚರ್ ಗಳು ಸಹ ಮುಖ್ಯ.

ಬನ್ನಿ ಒಂದೊಂದಾಗಿ ಟಾಪ್ ನೋಟ್ಸ್ ಎಪ್ ಗಳ ಕಡೆ ನೋಡೋಣ.

ಮೈಕ್ರೊಸಾಫ್ಟ್ ಒನ್ ನೋಟ್

ಚಿತ್ರಕೃಪೆ: ಮೈಕ್ರೋ ಸಾಫ್ಟ್ ಒನ್ ನೋಟ್ ತಾಣ

ಮೊದಲನೆಯದಾಗಿ ಮೈಕ್ರೊಸಾಪ್ಟ್ ಒನ್ ನೋಟ್ ಅತ್ಯುತ್ತಮ ನೋಟ್ಸ್ ಎಪ್ ಅನ್ನಬಹುದು. ಇದನ್ನು ಸಿಂಪಲ್ ಕೆಲಸದಿಂದ ಹಿಡಿದು ಪುಸ್ತಕ ಬರೆಯುವ ಕೆಲಸಕ್ಕೂ ಬಳಸಬಹುದು.

ಒನ್ ನೋಟ್ ಅನ್ನು ವಿಂಡೋಸ್/ಮ್ಯಾಕ್ ಡೆಸ್ಕ್ ಟಾಪ್ ಅಪ್ಲಿಕೇಶನ್, ಬ್ರೌಸರ್, ಐಪ್ಯಾಡ್, ಅಂಡ್ರಾಯಿಡ್, ಐಒಎಸ್ ಹೀಗೆ ಎಲ್ಲ ಪ್ಲಾಟ್ ಪಾರ್ಮ್ ಅಲ್ಲೂ ಬಳಸಬಹುದು. ಕ್ಲೌಡ್ ಅನ್ನು ಮಾಹಿತಿ ಉಳಿಸುವ ಈ ಎಪ್ ಅದೇ ಕಂಟೆಂಟ್ ಅನ್ನು ಎಲ್ಲ ಕಡೆ ನೋಡಲು, ಎಡಿಟ್ ಮಾಡಲು ಅನುಕೂಲ ಮಾಡಿ ಕೊಡುತ್ತದೆ.

ನೋಟ್ಸ್ ಅಲ್ಲಿ ಹಲವು ನೋಟ್ ಬುಕ್ ರಚಿಸಬಹುದು. ಆ ನೋಟ್ ಬುಕ್ ಅಲ್ಲಿ ವಿಭಾಗ ರಚಿಸಿ ಅದರಲ್ಲಿ ಪುಟಗಳನ್ನು ಸೇರಿಸಬಹುದು. ಇದು ಕಾದಂಬರಿ, ಪುಸ್ತಕ ಬರೆಯುವವರಿಗೆ ತುಂಬಾ ಅನುಕೂಲ.

ಅಕ್ಷರದಲ್ಲಿ ಮಾಹಿತಿ, ಟ್ಯಾಬ್ಯುಲರ್ ಫಾರ್ಮಾಟ್, ಫೈಲ್, ಫೋಟೋ, ಲಿಂಕ್, ಆಡಿಯೋ, ಇಮೋಜಿಗಳು, ಚಿತ್ರ ಬಿಡಿಸುವದು ಹೀಗೆ ಎಲ್ಲ ಅನುಕೂಲ ಇದೆ.

ಪುಟದ ಬಣ್ಣ ಬದಲಾಯಿಸುವದು, ಝೂಮ್ ಮಾಡಿ ನೋಡುವದು ಹೀಗೆ ಎಲ್ಲ ಮಾಡಬಹುದು.

 ಒಂದಕ್ಕಿಂತ ಹೆಚ್ಚಿನ ಬರಹ ಗಾರರು ಕಂಟೆಂಟ್ ಎಡಿಟ್ ಮಾಡಿದ್ದರೆ ಯಾರು ಏನೆನು ಬದಲಾವಣೆ ಮಾಡಿದರು ಎಂಬುದನ್ನು ಟ್ರ್ಯಾಕ್ ಸಹ ಮಾಡಬಹುದು.

ಬರೆದ ನೋಟ್ಸ್ ಅನ್ನು ಅಂತರ್ಜಾಲದಲ್ಲಿ ಹಂಚಬಹುದು.

ಗೂಗಲ್ ಕೀಪ್

ಚಿತ್ರಕೃಪೆ: ಗೂಗಲ್ ಕೀಪ್ ತಾಣ

ಗೂಗಲ್ ಕೀಪ್ ಕೂಡಾ ಸಿಂಪಲ್ ಟುಡು ಲಿಸ್ಟ್ ಗೆ, ಚಿತ್ರ, ಡ್ರಾಯಿಂಗ್ ಹೀಗೆ ಹಲವು ನೋಟ್ಸ್ ಗಳಿಗೆ ಸೂಕ್ತ.

ಗೂಗಲ್ ಕೀಪ್ ಅಂಡ್ರಾಯಿಡ್, ಐಒಎಸ್ ಹಾಗೂ ವೆಬ್ ವರ್ಶನ್ ಅಲ್ಲಿ ಲಭ್ಯವಿದೆ. ಕ್ಲೌಡ್ ಅಲ್ಲಿ ಮಾಹಿತಿ ಉಳಿಸಿ ಎಲ್ಲ ಡಿವೈಸ್ ನಡುವೆ ಸಿಂಕ್ ಮಾಡಬಹುದು.

ಲಿಸ್ಟ್, ಚಿತ್ರ ಬಿಡಿಸುವದು, ಫೋಟೋ ಇತ್ಯಾದಿ ಇರುವ ನೋಟ್ಸ್ ಮಾಡಬಹುದು. ರಿಮೈಂಡರ್ (ಎಚ್ಚರ ಗಂಟೆ) ಸಹ ಸೆಟ್ ಮಾಡಬಹುದು.

ಒಂದಕ್ಕಿಂತ ಹೆಚ್ಚು ಬರಹಗಾರರ ಸೇರಿಸಿ ಒಟ್ಟಿಗೆ ಬರೆಯಬಹುದು. ಹಳೆಯ ನೋಟ್ಸ್ ಅನ್ನು ಒಟ್ಟುಗೂಡಿಸಿ ಮೂಲೆಯಲ್ಲಿ ಇಡಬಹುದು.

ಆದರೆ ಇದರ ಇಂಟರ್ ಫೇಸ್ ಚಿಕ್ಕ ಚಿಕ್ಕ ನೋಟ್ಸ್ ಗೆ ಜಾಸ್ತಿ ಸೂಕ್ತ ಅನ್ನುವದು ನನ್ನ ಅನಿಸಿಕೆ.

ಎವರ್ ನೋಟ್

ಚಿತ್ರಕೃಪೆ: ಎವರ್ ನೋಟ್ ತಾಣ

ಎವರ್ ನೋಟ್ ವೆಬ್ ವರ್ಶನ್, ವಿಂಡೋಸ್ ಎಪ್, ಅಂಡ್ರಾಯಿಡ್, ಐಒಎಸ್ ಎಲ್ಲಾ ಲಭ್ಯವಿದೆ.

ಟಾಸ್ಕ್ಸ್ ಅಥವಾ ಕೆಲಸಗಳ ಪಟ್ಟಿ ಮೆಂಟೇನ್ ಮಾಡಬಹುದು. ಕ್ಯಾಲೆಂಡರ್ ಸಹಾ ಇದೆ. ಅಟ್ಯಾಚ್ ಮೆಂಟ್, ಫೋಟೋ, ಸ್ಕೆಚ್, ಟೇಬಲ್, ಕ್ಯಾಲೆಂಡರ್, ಗೂಗಲ್ ಡ್ರೈವ್ ಕಂಟೆಂಟ್ ಎಲ್ಲಾ ಸೇರಿಸಬಹುದು. ವಿವಿಧ ನೋಟ್ಸ್ ಗಳಿಗೆ ಟೆಂಪ್ಲೇಟ್ ಲಭ್ಯ ಇದೆ.

ಇದನ್ನು ಬಳಸಲು ಸಬ್ಸ್ಕ್ರೈಬ್ ಆಗಬೇಕು.

ಮೈಕ್ರೊಸಾಫ್ಟ್ ೩೬೫

ವರ್ಡ್, ಎಕ್ಸೆಲ್, ಪವರ್ ಪಾಯಿಂಟ್ ಜನಪ್ರಿಯ ಸಾಫ್ಟ್ ವೇರ್ ಗಳನ್ನು ಕ್ಲೌಡ್ ಅಲ್ಲಿ ಮೈಕ್ರೊಸಾಫ್ಟ್ ೩೬೫ ನೀಡುತ್ತದೆ. ಬ್ರೌಸರ್ ನಿಂದಲೇ ನೇರವಾಗಿ ಈ ಎಪ್ ಗಳನ್ನು ಬಳಸಬಹುದು. 

ವಿಂಡೋಸ್, ಮ್ಯಾಕ್, ಅಂಡ್ರಾಯಿಡ್, ಐಒಎಸ್ ಎಪ್ ಕೂಡಾ ಲಭ್ಯವಿದೆ. ಡಾಕ್ಯುಮೆಂಟ್ ಉಳಿಸಲು ಒನ್ ಡ್ರೈವ್ ಅನ್ನು ಬಳಸಬಹುದು.

ನೀವು ನೋಟ್ಸ್ ಬರೆಯಲು ವರ್ಡ್ ಬಳಸಬಹುದು. ಎಕ್ಸೆಲ್ ಅಲ್ಲಿ ಹಲವು ಟೆಂಪ್ಲೇಟ್ ಇದ್ದು ಅದನ್ನೂ ಕೂಡಾ ಬಳಸಬಹುದು.

ಇದು ಒಂದು ಮಟ್ಟಿಗೆ ಬ್ರೌಸರ್ ಅಲ್ಲಿ ಬಳಸಲು ಉಚಿತ. ಜಾಸ್ತಿ ಸ್ಟೋರೇಜ್ ಬೇಕಾದ್ರೆ ಹಣ ಕೊಡಬೇಕು.

ಗೂಗಲ್ ಡಾಕ್ಸ್

ಆಫೀಸ್ ೩೬೫ ಹಾಗೇ ಗೂಗಲ್ ಡಾಕ್ಸ್ ಕೂಡಾ ಡಾಕ್ಯುಮೆಂಟ್ಸ್, ಪ್ರಸಂಟೇಶನ್, ಸ್ಪ್ರೆಡ್ ಶೀಟ್, ಫಾರ್ಮ್ ಹಾಗೂ ಡ್ರಾಯಿಂಗ್ ತಯಾರಿಸಲು ಅನುವು ಮಾಡಿಕೊಡುತ್ತದೆ. ಇವೆಲ್ಲವನ್ನೂ ಗೂಗಲ್ ಡ್ರೈವ್ ಅಲ್ಲಿ ಉಳಿಸಬಹುದು.

ಇದು ಒಂದು ಮಟ್ಟಿಗೆ ಬ್ರೌಸರ್ ಅಲ್ಲಿ ಬಳಸಲು ಉಚಿತ. ಜಾಸ್ತಿ ಸ್ಟೋರೇಜ್ ಬೇಕಾದ್ರೆ ಹಣ ಕೊಡಬೇಕು.

ಕೊನೆಯ ಮಾತು

ಇವೆಲ್ಲ ನೋಟ್ಸ್ ಅಪ್ಲಿಕೇಶನ್ ಅಲ್ಲಿ ಮೈಕ್ರೋಸಾಪ್ಟ್ ಹಾಗೂ ಗೂಗಲ್ ಅವರ ಅಪ್ಲಿಕೇಶನ್ ಗಳು ಬೇಸಿಕ್ ಫೀಚರ್ ಉಚಿತವಾಗಿ ನೀಡುತ್ತಿವೆ. ಎಲ್ಲ ಒಮ್ಮೆ ಟ್ರೈ ಮಾಡಿ. ಲಿಂಕ್ ಗಳು ಲೇಖನದಲ್ಲಿದೆ.

ನೀವು ಕಾದಂಬರಿ, ಪುಸ್ತಕ ಬರೆಯುವವರಾದರೆ, ತುಂಬಾ ಡಾಕ್ಯುಮೆಂಟ್ ಕ್ರಿಯೆಟ್ ಮಾಡುವವರಾದರೆ ಒನ್ ನೋಟ್, ಮೈಕ್ರೊಸಾಫ್ಟ್ ೩೬೫, ಗೂಗಲ್ ಡಾಕ್ಸ್ ಸೂಕ್ತ. 

ಚಿಕ್ಕ ನೋಟ್ಸ್ ಗೆ ಗೂಗಲ್ ಕೀಪ್, ಎವರ್ ನೋಟ್ ಸೂಕ್ತ.

ನಿಮ್ಮ ಫೋನ್ ಅಲ್ಲೂ ಸ್ಯಾಮ್ಸಂಗ್ ನೋಟ್ಸ್, ಎಪಲ್ ನೋಟ್ಸ್ ಅಪ್ಲಿಕೇಶನ್ ಇತ್ಯಾದಿ ಇರಬಹುದು. ಅವೂ ಕೂಡಾ ಕಿರಾಣಿ ಸಾಮಾನು ಪಟ್ಟಿ ಇತ್ಯಾದಿ ಗಳಿಗೆ ಬಳಸಬಹುದು.

ಈ ಲೇಖನ ಹೇಗನಿಸಿತು? ಹೇಗೆ ಇನ್ನೂ ಇಂಪ್ರೂವ್ ಮಾಡಬಹುದು? ಕಮೆಂಟ್ ಹಾಕ್ತೀರಾ? ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.