ಒನ್ ಪ್ಲಸ್ 10 ಪ್ರೋ 5ಜಿ ಫೋನ್ ಭಾರತದಲ್ಲಿ ಯಾವಾಗ?

ಫ್ಲ್ಯಾಗ್ ಶಿಪ್ ಫೋನ್ ಆದ ಒನ್ ಪ್ಲಸ್ 10 ಪ್ರೋ ಚೀನಾ ಮಾರುಕಟ್ಟೆಗೆ ಜನವರಿ 11 2022ರಂದು ಬಿಡುಗಡೆ ಆಗಿದೆ. 

ಈ ಫೋನ್ ಭಾರತದಲ್ಲಿ  ಯಾವಾಗ ಬರುತ್ತೆ? 

ಈ ಫ್ಲ್ಯಾಗ್ ಶಿಪ್ ಫೋನ್ ಅಲ್ಲಿ ಏನೇನು ವಿಶಿಷ್ಟತೆ ಇರಲಿದೆ? 

ಭಾರತದಲ್ಲಿ ಇದರ ಬೆಲೆ ಎಷ್ಟಿರಬಹುದು? ಬನ್ನಿ ನೋಡೋಣ .

{tocify} $title={ವಿಷಯ ಸೂಚಿ}

ಒನ್ ಪ್ಲಸ್ ಫೋನ್ ಎಂದರೆ ಸಾಕು ಸ್ಮಾರ್ಟ್ ಫೋನ್ ಪ್ರಿಯರ ಕನಸಿನ ಫೋನ್ ಅದು. ಯಾಕೆ? ಯಾವಾಗಲೂ "ನೆವರ್ ಸೆಟಲ್" ಅನ್ನೋ ಟ್ಯಾಗ್ ಲೈನ್ ಜೊತೆ ಟಾಪ್ ವಿಶಿಷ್ಟತೆಯ ಜೊತೆ ಬರುವ ಫೋನ್ ಅದು. ಫಾಸ್ಟ್ ಚಾರ್ಜಿಂಗ್, ಒಲ್ ಇಡಿ ಪರದೆ, ಒಪ್ಟಿಕಲ್ ಇಮೇಜ್ ಸ್ಟೆಬಿಲೈಜೇಶನ್ ಇರೋ ಕ್ಯಾಮರಾ, 8ಜಿಬಿ/12ಜಿಬಿ ರಾಮ್  ಹೀಗೆ ಎಲ್ಲಾನೂ ಲಲ್ಲನ್ ಟಾಪ್ !

ಒಂದು ಲ್ಯಾಪ್ ಟಾಪ್ ಅಲ್ಲೇ 4ಜಿಬಿ ರಾಮ್ ಇರುತ್ತಿದ್ದ ಕಾಲದಲ್ಲಿ ಒನ್ ಪ್ಲಸ್ ಫೋನ್ ಅಲ್ಲಿ ೬ಜಿಬಿ ರಾಮ್ ಬರುತ್ತಿತ್ತು!

ಇದು ಎಪಲ್, ಸ್ಯಾಮಸಂಗ್ ಪ್ರಿಮಿಯಂ ಫೋನ್ ಗಳ ಜೊತೆಗೆ ಸ್ಪರ್ಧೆ ನೀಡುತ್ತಿರುವ ಬ್ರ್ಯಾಂಡ್. ಭಾರತದ ಪ್ರಿಮಿಯಂ ಬ್ರ್ಯಾಂಡ್ ಮಾರುಕಟ್ಟೆಯಲ್ಲಿ 15% ಪಾಲು ಹೊಂದಿದೆ! ಎಪಲ್, ಸ್ಯಾಮ್ಸಂಗ್ ಬಿಟ್ಟರೆ ಇದೇ ಬ್ರ್ಯಾಂಡ್!

ಒನ್ ಪ್ಲಸ್ ಚೀನಾದ ಬಿಬಿಕೆ ಇಲೆಕ್ಟ್ರಾನಿಕ್ಸ್ ಕಂಪನಿಯ ಬ್ರ್ಯಾಂಡ್. ಒನ್ ಪ್ಲಸ್ ಜೊತೆ ವಿವೋ (Vivo), ರಿಯಲ್ ಮಿ (Realme), ಒಪ್ಪೋ (Oppo), ಐಕ್ಯೂ (iQOO) ಎಂಬ ಬ್ರ್ಯಾಂಡ್ ಗಳು ಸಹ ಅವರದ್ದೇ ಆಗಿವೆ. 

ಇತ್ತೀಚೆಗೆ ಒಪ್ಪೋ ಟೀಂ ಜೊತೆ ಒನ್ ಪ್ಲಸ್ ರೀಸರ್ಚ್ ಟೀಂ ಅನ್ನು ಒಟ್ಟಿಗೆ ಮಾಡಲಾಯ್ತು. ಒಪ್ಪೋ ಹಾಗೂ ಒನ್ ಪ್ಲಸ್ ಇನ್ನು ಮುಂದೆ ಒಂದೇ ರೀಸರ್ಚ್ ಟೀಂ ಮೂಲಕ ವಿನ್ಯಾಸ ಗೊಳ್ಳಲಿದೆ. 

ಒನ್ ಪ್ಲಸ್ 10 ಪ್ರೋ ಬೆಲೆ ಎಷ್ಟು?

ಚೀನಾದಲ್ಲಿ ಇದರ ಆರಂಭಿಕ ಬೆಲೆ 4699 ಚೀನಾ ಕರೆನ್ಸಿ ಇದೆ. ಅಂದ್ರೆ ಸುಮಾರು 54940 ರೂ.

ಭಾರತದ ಬೆಲೆ ಎಷ್ಟು ಎಂದು ಕಂಪನಿ ಇನ್ನೂ ತಿಳಿಸಿಲ್ಲ.

ಆದರೆ ಭಾರತದಲ್ಲಿ ಇದರ ಎಂಆರ್ ಪಿ ಬೆಲೆ ಸುಮಾರು 65 ಸಾವಿರದ ಹತ್ತಿರ ಇರ ಬಹುದು . ಜಾಸ್ತಿ ರಾಮ್, ಸ್ಟೋರೇಜ್ ಗೆ ಇನ್ನೂ ನಾಲ್ಕೈದು ಸಾವಿರ ಹೆಚ್ಚು ಬೆಲೆ ನೀಡ ಬೇಕು. 

ಯಾಕೆ ಅಂತೀರಾ? ಈಗಾಗಲೇ ಮಾರುಕಟ್ಟೆಯಲ್ಲಿ ಇರುವ ಒನ್ ಪ್ಲಸ್ 9 ಪ್ರೋ 8ಜಿಬಿ ಬೆಲೆ 64 ಸಾವಿರ ರೂ ಅಮೇಜಾನ್ ಅಲ್ಲಿದೆ. ಇನ್ನು ಒನ್ ಪ್ಲಸ್ 9 ಪ್ರೋ 12ಜಿಬಿ  ಕೂಡಾ 70 ಸಾವಿರ ರೂ. ಅದಕ್ಕಿಂತ ಜಾಸ್ತಿ ವಿಶಿಷ್ಟತೆ ಇರುವ ಒನ್ ಪ್ಲಸ್ 10 ಪ್ರೋ ಅಷ್ಟೇ ಬೆಲೆ ಅಥವಾ ಅದಕ್ಕಿಂತ ಜಾಸ್ತಿ ಇರುವ ಸಾಧ್ಯತೆ ಇದೆ. ಕಾದು ನೋಡೋಣ.

ಇದು ತುಂಬಾ ಜಾಸ್ತಿ ಅಂತೀರಾ? ಇದು ಸ್ಪರ್ಧೆ ಮಾಡ್ತಾ ಇರೋದು ಸುಮಾರು ೧.೪ ಲಕ್ಷ ಬೆಲೆ ಇರುವ ಎಪಲ್ 13 ಮ್ಯಾಕ್ಸ್ ಪ್ರೋ ಅಂತಹ ಫೋನ್ ಜೊತೆಗೆ. ಈಗ ಕಡಿಮೆ ಬೆಲೆ ಅನ್ನಿಸ್ತಾ ಇದೆಯಾ?

ಒನ್ ಪ್ಲಸ್ 9 ಪ್ರೋ 8ಜಿಬಿ ಅಥವಾ ಒನ್ ಪ್ಲಸ್ 9 ಪ್ರೋ 12ಜಿಬಿ  ಖರೀದಿಸುವ ಪ್ಲ್ಯಾನ್ ಇದ್ದರೆ ಒನ್ ಪ್ಲಸ್ ೧೦ ಪ್ರೋ ರಿಲೀಸ್ ಆಗೊವರೆಗೆ ವೇಟ್ ಮಾಡಿದ್ರೆ ಅವುಗಳ ಬೆಲೆ ಆಗ ಕಡಿಮೆ ಆಗುತ್ತೆ!

ಒನ್ ಪ್ಲಸ್ 10 ಪ್ರೋ ಭಾರತದಲ್ಲಿ ಯಾವಾಗ?

ಜನವರಿ 11ರಂದು ಚೀನಾದಲ್ಲಿ ಬಿಡುಗಡೆ ಆದ ಒನ್ ಪ್ಲಸ್ ೧೦ ಪ್ರೋ ಭಾರತದಲ್ಲಿ ಮಾರ್ಚ್ 15 ಕ್ಕೆ ಬಿಡುಗಡೆ ಆಗುವ ಮಾತಿದೆ.

ಅದಕ್ಕೆ ಮುಖ್ಯ ಕಾರಣ ಚೀನಾದ ಮಾರ್ಕೆಟ್ ಅಲ್ಲಿ 2 ತಿಂಗಳು ಎಕ್ಸ್ಲೂಸಿವ್ ಆಗಿ ಬಿಡುಗಡೆ ಮಾಡಿ ನಂತರ ಜಾಗತಿಕ ಮಾರುಕಟ್ಟೆಗೆ ಬಿಡುವ ಕಂಪನಿ ನಿರ್ಧಾರ. 

ಅಷ್ಟೇ ಅಲ್ಲ ಒನ್  ಪ್ಲಸ್ 9ಆರ್ ಟಿ ಅಕ್ಟೋಬರ್ 2021ರ ಬದಲು ಜನವರಿ 14 2022 ರಂದು ಬಿಡುಗಡೆ ಆಯ್ತು. ಅದು ಕೂಡಾ ಬಿಡುಗಡೆಯ ಸಮಯದ ಮೇಲೆ ಪ್ರಭಾವ ಬೀರಬಹುದು. ಆ ಮೊಡೆಲ್ ಗೆ ಸ್ವಲ್ಪ ಮಾರುಕಟ್ಟೆಯಲ್ಲಿ ಸಮಯ ನೀಡುವ ಉದ್ದೇಶದಿಂದ ಮಾರ್ಚ್ ಬದಲು ಎಪ್ರಿಲ್ / ಮೇ ಅಲ್ಲಿ ಬಿಡುಗಡೆ ಮಾಡಿದ್ರೂ ಅಚ್ಚರಿ ಇಲ್ಲ!

ಆಕಾರ

ಉದ್ದ 163ಎಂಎಂ * ಅಗಲ 73.9ಎಂಎಂ * ದಪ್ಪ 8.55ಎಂಎಂ, ಭಾರ 200 ಗ್ರಾಂ

ಆಪರೇಟಿಂಗ್ ಸಿಸ್ಟೆಮ್ ಯಾವುದು?

ಚೀನಾದ ಮಾಡೆಲ್ ಅಲ್ಲಿ ಕಲರ್ ಒಎಸ್ ೧೨ ಇದೆ.  ಆದ್ರೆ ಉಳಿದ ದೇಶಗಳಲ್ಲಿ ಅಂಡ್ರಾಯಿಡ್ 12 ಆಧಾರಿತ ಆಕ್ಸಿಜನ್ ಒಎಸ್ 12 ಇರಲಿದೆ. ಒಪ್ಪೋ ಹಾಗೂ ಒನ್ ಪ್ಲಸ್ ಟೀಂ ಒಟ್ಟಿಗೆ ಮಾಡಿದ ಮೇಲೆ ಒಎಸ್ ನಲ್ಲಿ ಕೆಲವು ಬದಲಾವಣೆ ಆಗಲಿದೆ. ಏನು ಎಂಬುದು ಕಾದು ನೋಡಬೇಕು.

ಪ್ರಾಸೆಸರ್ ಯಾವುದು?

ಸ್ನ್ಯಾಪ್ ಡ್ರಾಗನ್ 8 ಜೆನರೇಶನ್ 1 ಎಂಬ ಕ್ವಾಲ್ ಕಾಂ ಅವರ 4 ನ್ಯಾನೋ ಮೀಟರ್ ತಂತ್ರಜ್ಞಾನ ಬಳಸುವ ಎಂಟು ಕೋರ್ ನ್ ಫ್ಲ್ಯಾಗ್ ಶಿಪ್ ಪ್ರಾಸೆಸರ್ ಇರಲಿದೆ.

ಪರದೆ

3216 * 1440 ರಿಸಾಲ್ಯೂಶನ್ ಹೊಂದಿರುವ 120ಹರ್ಟ್ಜ್ ರಿಫ್ರೆಶ್ ರೇಟ್ ಅಮೋಲ್ಡ್(AMOLED) 6.7ಇಂಚಿನ ಪರದೆ ಇರಲಿದೆ. 526ಪಿಪಿಐ, 1300 ನಿಟ್ಸ್ ವರೆಗಿನ ಬ್ರೈಟ್ನೆಸ್ ಸಾಮರ್ಥ್ಯ ಈ ಪರದೆ ಹೊಂದಿರಲಿದೆ. 

ರಾಮ್ ಮತ್ತು ಸ್ಟೋರೇಜ್

8ಜಿಬಿ ಹಾಗೂ 12ಜಿಬಿ ರಾಮ್ ಇರುವ ಎರಡು ಮಾಡೆಲ್ ಇರಲಿದೆ. ಸ್ಟೋರೇಜ್ ಅಲ್ಲೂ 128ಜಿಬಿ ಹಾಗೂ 256 ಜಿಬಿ ಆಯ್ಕೆ ಇದ್ದು ಈ ಫೋನ್ ಅಲ್ಲಿ ಬೇರೆ ಎಸ್ ಡಿ ಕಾರ್ಡ್ ಹಾಕಲು ಸೌಲಭ್ಯ ಇಲ್ಲ. ಸ್ಟೋರೇಜ್ ಯು ಎಫ್ ಎಸ್ 3.1 ಮಾಡೆಲ್ ಆಗಿದೆ.

ಸಂಪರ್ಕ

ಡ್ಯೂಯಲ್ ನಾನೋ ಸಿಮ್, ವೈಫೈ 6, 5ಜಿ / 4ಜಿ, ಬ್ಲ್ಯೂ ಟೂತ್ 5.2, ಡ್ಯುಯಲ್ ಬ್ಯಾಂಡ್ ಜಿಪಿಎಸ್, ಯುಎಸ್ ಬಿ ಟೈಪ್ ಸಿ ಪೋರ್ಟ್

ಬ್ಯಾಟರಿ

5000 ಎಂ ಎ ಎಚ್ ಬ್ಯಾಟರಿ, 80W ಸೂಪರ್ ಫಾಸ್ಟ್ ಚಾರ್ಜಿಂಗ್, 50W ವೈರ್ ಲೆಸ್ ಚಾರ್ಜಿಂಗ್ ಇರಲಿದೆ.

ಕ್ಯಾಮೆರಾ

ಹಿಂದೆ ಈ ಕೆಳಗಿನ ಮೂರು ಕ್ಯಾಮೆರಾ ಇರಲಿದೆ. ಇವು ಹ್ಯಾಸೆಲ್ ಬ್ಲೇಡ್ ಜೊತೆ ಸಹಯೋಗದಲ್ಲಿ ಮಾಡಲ್ಪಟ್ಟ ಕ್ಯಾಮೆರಾಗಳು. 8ಕೆ ವಿಡಿಯೋ, ೪ಕೆ ವಿಡಿಯೋ ರೆಕಾರ್ಡಿಂಗ್ ಎಲ್ಲಾ ಸಾಧ್ಯ!

• ಸೋನಿ ಐಎಂಎಕ್ಸ್ 789 ಸೆನ್ಸರ್ 48ಎಂಪಿ ಒಪ್ಟಿಕಲ್ ಇಮೇಜ್ ಸ್ಟೆಬಿಲೈಜರ್, ಎಫ್/1.8 ಅಪರ್ಚರ್
• ಸ್ಯಾಮ್ಸಂಗ್ ಜೆ ಎನ್೧ ಸೆನ್ಸರ್ 50ಎಂಪಿ 150ಡಿಗ್ರೀ ಅಲ್ಟ್ರಾ ವೈಡ್
• 8 ಎಂಪಿ ಟೆಲೆಫೋಟೋ ಕ್ಯಾಮೆರಾ ಎಫ್/2.4 ಅಪರ್ಚರ್, ಒಪ್ಟಿಕಲ್ ಇಮೇಜ್ ಸ್ಟೆಬಿಲೈಜರ್, 3.3x ಆಪ್ಟಿಕಲ್ ಝೂಮ್

ಮುಂದೆ 32 ಎಂಪಿ ಸೆಲ್ಫಿ ಕ್ಯಾಮೆರಾ ಇರಲಿದೆ.

ಕ್ಯಾಮೆರಾ 10 ಬಿಟ್ ಹಾಗೂ 12 ಬಿಟ್ ರಾ ಫಾರ್ಮಾಟ್ ಅಲ್ಲಿ ಚಿತ್ರ ಉಳಿಸುವ ಸಾಮರ್ಥ್ಯ ಇದ್ದು ೧ ಬಿಲಿಯನ್ ಬಣ್ಣಗಳ ಸಪೋರ್ಟ್ ಇದೆ.

ಆಡಿಯೋ

ಸ್ಟಿರೀಯೋ ಸ್ಪೀಕರ್, ಎರಡು ಮೈಕ್ರೋಫೋನ್, ಗದ್ದಲ ಕಡಿಮೆ ಮಾಡುವ ಮೈಕ್ರೋ ಫೋನ್ ಇದೆ. ಆದರೆ 3.5ಎಂಎಂ ಆಡಿಯೋ ಜ್ಯಾಕ್ ಇರುವದಿಲ್ಲ. ಅಡಾಪ್ಟರ್ ಬಳಸಬೇಕು.

ಕೊನೆ ಮಾತು

ಪ್ರಿಮಿಯಂ ಫೋನ್ ಮಾರ್ಕೆಟ್ ಶೇರ್ ಅಲ್ಲಿ ಎಪಲ್, ಸ್ಯಾಮ್ಸಂಗ್ ನಂತರ ಹೆಚ್ಚು ಪಾಲು ಹೊಂದಿರುವ ಬ್ರ್ಯಾಂಡ್ ಒನ್ ಪ್ಲಸ್.

ಒಟ್ಟಿನಲ್ಲಿ ಒನ್ ಪ್ಲಸ್ 10 ಪ್ರೋ ಫ್ಲ್ಯಾಗ್ ಶಿಪ್ ಫೋನ್ ಮಾರ್ಚ್ 11 ನಂತರ ಜೂನ್ 2022ರ ಒಳಗೆ ಭಾರತದ ಮಾರುಕಟ್ಟೆ ಲಗ್ಗೆ ಹಾಕಲಿದೆ.  ವೇಗದ ಪ್ರಾಸೆಸರ್, 5ಜಿ, ಅದ್ಭುತ ಕ್ಯಾಮೆರಾ, ಉತ್ತಮ ಪರದೆ ಹೊಂದಿರುವ ಫೋನ್ ಮಾರುಕಟ್ಟೆಯಲ್ಲಿ ದೂಳೆಬ್ಬಿಸುವದರಲ್ಲಿ ಅನುಮಾನವೇ ಇಲ್ಲ.

ನೀವು ಒನ್ ಪ್ಲಸ್ ಫೋನ್ ಬಳಸಿದ್ದೀರಾ? ನಿಮ್ಮ ಅನುಭವ ಏನು? ನೀವು ಯಾವ ಫೋನ್ ಬ್ರ್ಯಾಂಡ್ ಅಭಿಮಾನಿ? ಕಮೆಂಟ್ ಅಲ್ಲಿ ತಿಳಿಸಿ.

ಈ ಲೇಖನ ಹೇಗನಿಸಿತು? ಹೇಗೆ ಇನ್ನೂ ಇಂಪ್ರೂವ್ ಮಾಡಬಹುದು? ಕಮೆಂಟ್ ಹಾಕ್ತೀರಾ? ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.

ಮಾಹಿತಿ ಮೂಲ: ಒನ್ ಪ್ಲಸ್ ತಾಣ